Нийтлэлийн ангилал

Excel программд Developer цэс оруулах зөвлөмж

Зиак залуучууд оройн мэнд. Авъяаслаг Монголчууд шоу нэвтрүүлгээ үзээд сууцгааж байна уу. Миний хувьд ойрд ажил ихтэй байгаа болохоор тогтмол хугацаанд нийтлэл оруулж амжихгүй л явна. Он гартал энэ байдал үргэлжлэх байх. Манай Exceler-үүд надаас хэд хэдэн асуултыг тогтмол асуудаг. Хэдийгээр тухай бүр нь хариултыг өгдөг боловч энэ асуулт цаашид тасралтгүй хөвөрч, зүүд нойронд минь орох шинжтэй. Иймээс эдгээр стандарт болж байгаа асуултнуудад нэг мөр хариулт өгөхөөр шийдлээ. Өнөөдөр бид “Excel программд Developer цэсийг хэрхэн оруулж ирэх бэ?” гэсэн асуултанд хариулах болно. Энэ талаар бид өмнө нь нийтлэл бичиж байсан боловч сайтан дээрээс устсан байгаа болохоор хүмүүс асууж байгаа байх. Гэхдээ Excelmetrics гэсэн номонд бичигдсэн байгаа болно. Зиак ингээд асуултандаа хариулцгаая.

Хэрэв та Excel 2007 хувилбар ашиглаж байгаа бол Developer цэсийг дараах зааварын дагуу гаргана. Үүнд:

Нэн тэргүүнд Excel 2007 программыг ажиллуулна.
Excel программ нээгдсэний дараагаар Excel 2007 программын зүүн дээд буланд байрлах Office Button товчийг дарна.
Office Button цонхноос Зурагт тэмдэглэсэн Excel Option товчийг дарж Excel Option цонхыг нээнэ.
Үүний дараагаар тус Excel Option цонхны Top options for working with Excel хэсгээс Show Developer tab in the Ribbon гэсэн нүдийг гэж идэвхжүүлнэ. Үүний дараагаар OK коммандыг өгөхөд таны Excel программд Developer гэсэн нэмэлт Ribbon суусан байх болно.

Хэрэв та Excel 2010, 2013 хувилбар ашиглаж байгаа бол Developer цэсийг дараах зааварын дагуу гаргана. Үүнд:

Юуны өмнө Excel 2010 эсвэл 2013 хувилбарыг ажиллуулна.
Excel программ нээгдсэний дараагаар Excel 2010 (2013) программын зүүн дээд буланд байрлах File Button товчийг дарж, Options коммандыг өгнө. Үүний үр дүнд Excel Options цонх нээгдэх болно.
Excel Options цонхноос Customize Ribbon коммандыг өгч, тус цэсэнд байрлах Developer цэсийг идэвхжүүлнэ. Энэ талаар та бүхэн дараах зурагнаас үзээрэй.
Ингээд OK коммандыг өгөхөд Excel программд Developer цэс суусан байх болно.

Сэтгэгдэл үлдээх

mmmm 2015.11.29

excelmetrics nomiig haaguur zarj bga ve

Reply
1. Tumur 2015.11.29
  
  Excelmetrics ном дууссан байгаа. Гэхдээ надад 3, 4 ширхэг байгаа. 89800946 утсаар холбогдож авч болно
  
  Reply
Muugii 2015.11.30

mash ih bayarlalaa

Reply

Холбоотой нийтлэлүүд

Space буюу хоосон орон зайтай ажиллах техникийн зөвлөмж

2023.02.08

Зиак, Та бүхэнд амралтын өдрийн мэнд хүргэе. Өнөөдрийнхөө нийтлэлээр хоосон текст болон тоон дунд агуулагдах хоосон орон зай буюу Space-ийг хэрхэн арилгах тухай судлах болно. Манай нэгэн уншигч маань энэ асуудалтай нэлээдгүй хугацаанд тэмцэж байх шиг байна. Уул нь үндсэн гаргалгааг нь хэлж өгсөн юм. Тэгсэн ч гэсэн нэг л болохгүй байх шиг байна. Түүнд ямар асуудал тулгарсаныг би ерөнхийдөө гадарласан. Тийм болохоор асуудлыг хэрхэн шийдэх тухай нийтлэл бичихээр шийдсэн болно.

Цагийн зөрүүг абсолют утгаар тодорхойлох техникийн зөвлөмж

2023.02.04

Компаниудын хүний нөөцийн менежерүүд бас нягтлангуудад тулгардаг нэг асуудал бол ирцийн мэдээллээс ажилласан цагийг тодорхойлох явдал байдаг. Ажилчдын ирсэн ажилдаа ирсэн цаг, ажлаас явсан цагийн зөрүүгээр тухайн ажилтаны ажилласан цагийг ихэвчлэн тодорхойлдог. Энэ цагийн зөрүүг гаргах гэж нэлээдгүй хүч хөдөлмөр зарцуулж байгаа нь элбэг харагддаг. Тэгвэл өнөөдрийнхөө нийтлэлээр цагийн зөрүүг абсолют утгаар хэрхэн тодорхойлох талаар та бүхэнд тайлбарлая.

Excel программын анимашн унтраах техникийн зөвлөмж

2023.01.26

Excel 2013 ба түүнээс дээш хувилбаруудын томъёоллын үр дүнд хөдөлгөөнт эффект буюу анимашин орж ирсэн. Энэ анимашин буюу хөдөлгөөнт эффект нь харагдах байдлын хувьд зугаатай ч та бидний Excel программ дахь томъёоллын хурданд сөргөөр нөлөөлдөг хүчин зүйлүүдийн нэг юм. Excel дээр тооцоолол хийж байх явцад бидэнд харагдах байдал тийм ч чухал биш юм. Гол нь үр дүн чухал. Иймээс хурданд сөрөг нөлөө үзүүлдэг аливаа хүчин зүйлийг ашиглахгүй байх нь зүйтэй. Иймээс энэхүү нийтлэлээр Excel программ дээрх анимашн буюу хөдөлгөөнт эффектийг хэрхэн унтраах тухай техникийн зөвлөмжийг та бүхэндээ хүргэе.