Нийтлэлийн ангилал

Урвуу VLookup

Бид өмнө нь VLOOKUP функц түүнийг хэрхэн ашиглах талаар нэгэн нийтлэлийг оруулж байсныг та бүхэн санаж байгаа байх. Хэрэв та бүхэн энэ функцийн талаар олж уншаагүй байгаа бол энэ нийтлэлийг уншихаас өмнө нэг ороод харчихад илүүдэхгүй байх. VLOOKUP функц нь хайхаар зааж өгсөн утгыг өгөгдсөн хүснэгтийн эхний багана дотроос хайн олж, олсон утгад харгалзах өгөгдлийг дараагийн багануудаас тодорхойлдог функц юм. Энэ талаар товчхон жишээгээр авч үзье. Бидэнд дараах мэдээлэл өгөгдсөн байна. Үүнд:

Зиа энэ мэдээлэлээс 24001185 дансны дугаартай харилцагчийн НЭР, ДАНСНЫ ҮЛДЭГДЭЛИЙГ тодорхойлоё. Үүний тулд бид дараах байдлаар шууд VLOOKUP функцийг ашиглах боломжтой. Үр дүнг доорх зурагны D19, E19 нүдэнд үзүүлэв.

За тэгвэл одоо 24001185 дансны дугаартай харилцагчийн аль аймагийнх, мөн гар утасны дугаар нь хэд болохыг тодорхойлоё. Энэ тохиолдолд бид VLOOKUP функцийг шууд дангаар нь ашиглах боломжгүй болно. Учир нь VLOOKUP функц нь сонгогдсон муж буюу C1:E16 мужийн эхний багана дотроос хайлт хийж, түүнд харгалзах мэдээллийг дараагийн буюу эхний баганын баруун гар талд байрших багануудаас гарган авдаг.

Иймээс бид дээрх мэдээллээс тухайн дансанд харгалзах харьяалагдах аймаг, гар утасны дугаарыг VLOOKUP функц ашиглах замаар гаргаж ирэхийн тулд VLOOKUP функцтэй CHOOSE функцийг хослуулан ашиглах болно. CHOOSE функцийг хэрхэн ашиглах талаар бид өмнө нь сайтдаа оруулж байсан билээ.

За одоо тус хоёр функцийг хэрхэн хослуулан ашиглах талаар авч үзье. Мэдээж VLOOKUP функцийн ажиллах зарчим өмнөхтэй адил. Гол нь CHOOSE функцийг VLOOKUP функцэд оруулж, зохиомол хүснэгтийг муж үүсгэнэ. Жишээлбэл дараах зурганд 24001185 тоот дансанд харгалзах Утасны дугаарыг гаргаж ирэх функцийг бичсэн болно.

Дээрх томьёоноос харахад CHOOSE функц дараах хэлбэртэйгээр VLOOKUP функцэд орсон байна.

CHOOSE({1,2,3},C2:C16,B2:B16,A2:A16)

CHOOSE функцийн энэ хэлбэр нь зохиомол муж үүсгэж байгаа хэлбэр юм. Өөрөөр хэлбэл Зохимол муж нь 3 баганатай байна. Эхний багана нь 1=C2:C16 муж, хоёр дахь багана нь 2=B2:B16 муж, гурав дахь багана нь 3=A2:A16 муж байна. Өөрөөр хэлбэл дараах зурагт үзүүлсэн хүснэтгийг CHOOSE функц ашиглан үүсгэсэн гэсэн үг.

Ингээд VLOOKUP функцийн table_array-н шаардлага хангасан зохимол хүсэгт үүсэж байгаа учир VLOOKUP функцийг ашиглан хайлт хийж буй баганын утганд харгалзах зүүн гар талын утгуудыг төвөггүй тодорхойлох боломжтой болж байна.

Та бүхэн энэхүү томьёотой төстэй нийтлэлийг INDEX, MATCH Функцийн хослол орж үзэж болно. Та бүхэнд амжилт хүсье.

Сэтгэгдэл үлдээх

Холбоотой нийтлэлүүд

Space буюу хоосон орон зайтай ажиллах техникийн зөвлөмж

2023.02.08

Зиак, Та бүхэнд амралтын өдрийн мэнд хүргэе. Өнөөдрийнхөө нийтлэлээр хоосон текст болон тоон дунд агуулагдах хоосон орон зай буюу Space-ийг хэрхэн арилгах тухай судлах болно. Манай нэгэн уншигч маань энэ асуудалтай нэлээдгүй хугацаанд тэмцэж байх шиг байна. Уул нь үндсэн гаргалгааг нь хэлж өгсөн юм. Тэгсэн ч гэсэн нэг л болохгүй байх шиг байна. Түүнд ямар асуудал тулгарсаныг би ерөнхийдөө гадарласан. Тийм болохоор асуудлыг хэрхэн шийдэх тухай нийтлэл бичихээр шийдсэн болно.

Цагийн зөрүүг абсолют утгаар тодорхойлох техникийн зөвлөмж

2023.02.04

Компаниудын хүний нөөцийн менежерүүд бас нягтлангуудад тулгардаг нэг асуудал бол ирцийн мэдээллээс ажилласан цагийг тодорхойлох явдал байдаг. Ажилчдын ирсэн ажилдаа ирсэн цаг, ажлаас явсан цагийн зөрүүгээр тухайн ажилтаны ажилласан цагийг ихэвчлэн тодорхойлдог. Энэ цагийн зөрүүг гаргах гэж нэлээдгүй хүч хөдөлмөр зарцуулж байгаа нь элбэг харагддаг. Тэгвэл өнөөдрийнхөө нийтлэлээр цагийн зөрүүг абсолют утгаар хэрхэн тодорхойлох талаар та бүхэнд тайлбарлая.

Excel программын анимашн унтраах техникийн зөвлөмж

2023.01.26

Excel 2013 ба түүнээс дээш хувилбаруудын томъёоллын үр дүнд хөдөлгөөнт эффект буюу анимашин орж ирсэн. Энэ анимашин буюу хөдөлгөөнт эффект нь харагдах байдлын хувьд зугаатай ч та бидний Excel программ дахь томъёоллын хурданд сөргөөр нөлөөлдөг хүчин зүйлүүдийн нэг юм. Excel дээр тооцоолол хийж байх явцад бидэнд харагдах байдал тийм ч чухал биш юм. Гол нь үр дүн чухал. Иймээс хурданд сөрөг нөлөө үзүүлдэг аливаа хүчин зүйлийг ашиглахгүй байх нь зүйтэй. Иймээс энэхүү нийтлэлээр Excel программ дээрх анимашн буюу хөдөлгөөнт эффектийг хэрхэн унтраах тухай техникийн зөвлөмжийг та бүхэндээ хүргэе.