Worksheet-д хамгаалалт хийх техник

11 сар 10, 2012   EXCEL.mn   No comments

За та бүхэндээ амралтын өдрийн мэндийг хүргье. Өнөөдөр гадуур нилээн явлаа. Хувийн ажилуудаа нилээд амжууллаа. Ажлын өдрүүдэд хувийн ажилууд маань орхигдоод байх юм. Хэ хэ хувийн ажил гэхээр нээх сүртэй том том ажил, бизнес нтр гэж ойлгож болохгүй шүү. Зүгээр л ойр зуурын байр, утасны төлбөр төлөх, хоол хүнсний материал бэлдэх нтр гээд ойр зуурын асуудлууд шүү дээ. Гадагшаа гарахдаа өчигдөр цас орсон юм чинь хүйтэн л байж таараа гээд бөөн бэлтгэл гарсан чинь харин ч санасныг бодвол гайгүй дулаахан байсан шүү. За за гол асуудал руугаа орцгооё.

Зар сурталчилгаа

Өчигдөр манай сайтын нэгэн зочин worksheet-н хамгаалалтын талаар биднээс асуусан. Иймээс тус асуулттай холбоотой нийтлэлийг өнөөдөр оруулахаар шийдлээ.

Worksheet дээр бичигдсэн аливаа өгөгдлийг устгах, өөрчлөхөөс сэргийлж worksheet-д protect хийдэг. Бидэнд дараах зурагт үзүүлсэн Sheet1 өгөгдөжээ. Тус Sheet-нд хэрхэн хамгаалалт хийх талаар одоо авч үзье.

Worksheet-д protect хийхдээ 2 замаар хийж болно. Нэгдүгээрт MS Excel программын Review хэсгийн Changes хэсгээс Protect Sheet-г сонгох замаар хийнэ. Эсвэл protect хийх гэж буй Sheet-н нэр дээр хулганы баруун товчийг (буруу талын товч) дарах замаар sheet-т Protect хийх цэсийг гаргаж ирнэ. Дараах зурагт үзүүлэв.

Дээрх коммандыг өгснөөр дараах цэс гарна.

Зар сурталчилгаа

Password to unprotect sheet: Нүдэнд хэрэглэгч өөрийн нууц үгийг хийнэ. Нууц үгийг хийж OK комманд өгсний дараа дахин баталгаажуулж, өмнө хийсэн нууц үгийг асууна.

Allow al users of this worksheet to: Энэ хэсэгт хэрэглэгч worksheet дээр ямар үйлдлүүдийг protect-лох, ямар үйлдлүүдийг protect-лохгүй байх зэргийг зааж өгнө. Жишээлбэл Insert Columns-г идэвхжүүлбэл тухайн protect-лсон worksheet-д багана нэмэх үйлдэл чөлөөтэй хийгдэнэ. Delete columns-г идэвхжүүлбэл тухайн protect-лсон worksheet-д багана устгах үйлдэл чөлөөтэй хийгдэнэ гэх мэт.

Protect-лсон worksheet дээр аливаа үйлдлийг хийх гэж оролдоход Зураг 1.3-т харуулсан анхааруулгыг заана.

За ингээд Worksheet-г бүхэлд Protect хийх арга техникийг ерөнхийд нь та бүхэнд танилцууллаа. Та бүхэнд амжилт хүсье.

Зар сурталчилгаа

Бусадтай хуваалцах

Холбоотой нийтлэлүүд

Posted in: Excel зөвлөмж

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • EXCELER-ЭКСЕЛЧИН

      Та бүхэн өдөр тутам Монголжсон гадаад үг хэллэгийг өргөн хэрэглэдэг байх. Жишээлбэл радио, телевизор, компьютер, Ланд крузьер , рестран, паб, оффис гэх мэт. Эдгээр үг хэллэгийг хэн ч Монгол хэлэнд хөрвүүлж ашигладаггүй байх гэж би бодож байна. Тэгвэл энэхүү Монголжсон гадаад үг хэллэгүүдийг хэн зохиогоод байна бэ?. Миний бодлоор нийгмийн хөгжил, дэлхийн даяарчлалын үр дүнд өөрөө аяндаа  л үүсдэг гэж боддог. Ажил мэргэжилийн хувьд ч ялгаагүй. Диллер, Теллер, Менежер, Инжинер,

    • МАКРО-XL номны танилцуулга

       

      Зиак Exceler-үүдэд өдрийн мэнд хүргье. Зуны аагим халуун өдрүүд үргэлжилж байна. Манай сайтаас өнгөрсөн 6 дугаар сард МАКРО-XL хэмээх Excel автоматжуулалтын тухай өгүүлсэн ном гаргасныг та бүхэн мэдэж байгаа байх. Иймээс өнөөдрийнхөө нийтлэлээр тус номныхоо талаар танилцуулга хийхээр шийдлээ. Учир нь бид өмнө МАКРО-XL хэмээх шинэ бүтээл гарлаа л гэсэн болохоос биш тухайн бүтээлийнхээ талаар дэлгэрэнгүй танилцуулыг хийгээгүй байсан билээ. За ингээд өнөөдрийнхөө нийтлэлийг эхлэе.

    • Сарыг динамик байдлаар томьёолох нь

      Сар гэхээр та бүгд тэнгэрт байдаг сарыг ойлгож болохгүй. Бидний одоо ярих гэж буй сар бол та бидний сайн мэдэх он тооллын сар юм шүү гэдийг юуны өмнө анхааруулая. Жилд 12 сар байдаг. Нэг жил өнгөрөхөд 12 сар өнгөрөнө. Дараагийн жил эхлэхэд мөн л нэгдүгээр сараар эхлээд 12 дугаар сараар дуусна. Гэх мэтчилэн хэзээ ч дуусахгүй 12 сарын цикл үргэлжлэнэ. Харин бид сарыг оноор нь ялгаж өнгөрсөн, одоо, ирээдүйн сарыг мэддэг. Гэтэл бид зарим тохиолдолд зөвхөн сартай ажиллах нөхцөл байдал үүсдэг.

  • Like дараад байгаарай найзуудаа

    Excel.mn

shares