SUM функцийн удирдлага ба INDIRECT функц

За эрхэм Exceler-үүдэд энэ өдрийн мэндийг хүргье. Ойрд гадаа дулаараад сайхан л байна. Ажил төрөл гайгүй байгаа дээрээ өчигдөр, өнөөдөр хоёр машиндаа жоохон сервис хийлгэлээ. Над шиг машины мэдлэг муутай хүнд машины засвар хийлгэнэ гэдэг тийм ч амар ажил биш байна. Ёстой хүний амаар л сэлбэг хэрэгсэлийг нь худалдаж авлаа. Энэ нь муудсан байна, тэр нь болохо байсан байна, энийг солино, тэрийг солино гээд л … хэ хэ. Гэхдээ энэ бүгдийн эцэст ямарч байсан миний машин өд шиг хөнгөхөн явдалтай болсон доо. За ингээд өнөөдрийнхөө нийтлэлийг эхлье.

Зар сурталчилгаа

Одоо бичих гэж буй нийтлэл маань "Санхүүгийн тайлан дахь EXCEL загварчлал" семинарт ашиглагдаж байсан нэгэн чухал функц юм. Энэ бол INDIRECT функц. Энэ функцийн талаар өмнө нь нэгэн нийтлэл бичиж байсан хэдий ч яг ямар зорилгоор ашигладаг талаар тайлбарлаагүй. Энэхүү нийтлэлийг уншихыг хүсвэл ЭНЭ ЛИНК-ээр орж уншаарай. Семинарт суусан хүмүүс энэ функцийн хэрэглээний талаар сонирхож байсан ч тухайн үед тайлбарлаж амжаагүй семинар дууссан юм. Одоо энэ функцийг хэрхэн ашиглах тухай нийтлэлийг та бүхэнд танилцуулъя.

Бидэнд дараах зурагт үзүүлсэн мэдээлэл өгөгдсөн байна. Энэхүү мэдээлэл нь ямар нэгэн утга агуулаагүй, санамсаргүй тоон үзүүлэлт юм.

Indir_1

Бид дээрх зургийн A1:A10 нүдний утгыг ашиглаж, удирдлагатай SUM функцийн нэгэн загварыг зохиоё. Өөрөөр хэлбэл SUM функцийн эхлэх утга, SUM функцийн дуусах утга гэсэн хоёр мэдээллийг оруулахад тухайн мужид хамаарах утгуудын нийлбэрийг тодорхойлдог загвар юм. Энэ загвараас та бүхэн INDIRECT функцийн хэрэглээний учир шалтгааны жоохон ч гэсэн ойлгох байх.

Загварыг хийхийн тулд бид дараах форматыг бэлтгэх шаардлагатай. Үүнд:

Зар сурталчилгаа

Indir_2

За ингээд бидний формат бэлэн боллоо. Одоо загварынхаа ажиллах үндсэн зарчмыг танилцуулъя. Бид D1 болон D2 нүдэнд 1-ээс 10 хооронд тоо оруулна. Энэ маань Excel программ дахь мөрийн тоог илэрхийлнэ. Харин D4 нүдэнд D1, D2 нүдэнд тодорхойлогдсон мужийн хүрээнд A багана дахь тоон утгын нийлбэрийг тодорхойлно. Ингэснээр бид SUM функцэд хамаарагдах мужийг заавал гараар өөрчлөхгүйгээр D1, D2 нүдний утгаар өөрчлөх боломжтой болж байгаа юм.

Одоо загварынхаа томьёог бичие. D4 нүдэнд INDIRECT функцийг ашигласан дараах томьёог бичнэ. Үүнд:

=SUM(INDIRECT("A"&D1&":A"&D2&"",TRUE))

Томьёоллыг дараах зурагт үзүүлэв.

Indir_3

За ингээд "Удирдлагатай SUM функцийн загвар" маань бэлэн боллоо. Одоо загварыг хэрхэн ашиглах талаар танилцуулъя.

D1 нүдэнд 4, D2 нүдэнд 8 гэсэн утыг оруулъя. Үүний үр дүнд D4 нүдэнд 3025 гэсэн утга тодорхойлогдоно. Энэ талаар дараах зурагт үзүүлэв.

Indir_4

Энэ нь ямар учиртай бэ? Бичсэн томьёогоо эргээд харцагаая.

=SUM(INDIRECT("A"&D1&":A"&D2&"",TRUE))

  • Томьёонд эхний өгөгдөл "A"&D1 гэсэн байна. Энэ маань манай жишээний хувьд A4 гэсэн текстийг илэрхийлж байна.
  • Томьёонд хоёр дахь өгөгдөл ":A"&D2 гэсэн байна. Энэ маань манай жишээний хувьд :A8 гэсэн текстийг илэрхийлж байна.

Дээрх хоёр үр дүн буюу A4 болон :A8 гэсэн текстийг нэгтгэвэл A4: A8 муж болж хувирна. За ингээд бидний бичсэн томьёоны гадна талаар SUM функц авсан учраас дээрх томьёо нь бүрэн эхээрээ Excel программын SUM(A4:A8) томьёонд хувирна. Энэхүү томьёонд & гэсэн тэмдэглэгээ текстэн утгууд нийлүүлэх үүрэгтэйгээр оролцож байгаа болно. Өөрөөр хэлбэл CONCATENATE функцтэй адил үүрэгтэй гэсэн үг.

D1=4, D2=8 гэсэн өгөгдөл маань A4:A8 муж болон хувирч байна. Тэгвэл та бүхэн зурагт үзүүлсэн A4:A8 мужийн мэдээллийн нийлбэрийг гараар тодорхойлж үзээрэй. Мөн адил 3025 гарах болно.

Indir_5

Хэрэв бид D1=9, D2=10 гэвэл A1:A10 мужийн мэдээллийн сүүлийн хоёр тооны нийлбэрийг D4 нүдэнд тодорхойлно гэсэн үг. Зиа ингээд загвар маань дууслаа. Та бүхэн өөрсдөө туршаад үзээрэй. Танд амжилт хүсье.

Зар сурталчилгаа

Бусадтай хуваалцах

2 Responses to SUM функцийн удирдлага ба INDIRECT функц

  1. sonirhogch хэлдэг:

    Bolohgui bn shde hu??!!!

  2. amgalan хэлдэг:

    BOLDOGGVIEE ESVEL BI BURUU HIIGEED BGAN BOLOVUU HEHE

Хариулт үлдээх

Таны и-мэйл хаягийг нийтлэхгүй.

shares