Sheet хуулах (Copy) техник

10 сар 13, 2014   EXCEL.mn   2 Comments

Зиак шинэ долоо хоногийн мэнд. Өнөөдөр нэг нийтлэл бичиж, нэг зүйлийг туршмаар санагдчихлаа. Туршилт маань юу бэ гэхээр Tiny URL. Өнгөрсөн хагас сайн өдөр буюу 2014.10.11-ний өдөр бичсэн "Excel программ дахь зураг дүрсний тохиргоо" гэсэн нэртэй нийтлэлийн линкийг Facebook хуудсандаа байршуулсны дараагаар нэгэн уншигч маань (Г.ДАШНЯМ) цаашид Tiny URL ашиглахыг бидэнд зөвлөсөн. Та бүхэн анзаарсан байх. Бидний оруулсан линк маань нээх урт, баахан %D1%80%%D1. ….. гэсэн тэмдэгт ашигласан байдлаар харагддаг. Тэгвэл энэ асуудлыг Tiny URL гэсэн аргаар хялбархан шийдэж болох юм байна.

2014-10-13-03

За ингээд гол асуудалдаа орцгооё. Өнөөдрийн нийтлэл маань Excel программын sheet-ийг Copy хийх буюу хуулах техник юм. Бид Excel программ дахь sheet-ийг хуулахдаа Move or Copy… гэсэн коммандыг ашигладаг. Жишээлбэл бидэнд дараах 3 sheet бүхий Excel файл өгөгдсөн байна.

2014-10-13-04

Sheet9 нэртэй хуудсийг хуулах шаардлагатай болсон. Энэ тохиолдолд дараах зааварын дагуу хуулах үйлдлийг хийнэ.

  • Хуулах гэж буй Sheet-ийн нэрийг сонгож, хулаганын баруун товчийг дарна.
  • Үүсэх цэснээс Move or Copy… коммандыг өгнө.

2014-10-13-05

  • Үүний үр дүнд Move or Copy цонх нээгдэх ба тус цонхноос Create a copy талбарыг чеклэх буюу идэвхжүүлнэ.
  • Үүний дараагаар тухайн хуулах гэж буй Sheet-ийг тухайн Excel файлын аль sheet-ийн ард байршуулахыг зааж өгнө. Манай жишээний хувьд Sheet9 гэсэн нэртэй sheet-ийн ард шинээр үүсэх sheet-ийг байршуулна гэж заасан.

2014-10-13-06

  • Ингээд OK коммандыг өгөхөд Sheet9 нэртэй sheet маань хуулагдаж, Sheet9-ийн ард байршсан байх болно. Гэхдээ хуулж үүсгэсэн sheet маань Sheet9(2) гэсэн нэртэй байх болно.

2014-10-13-07

Sheet-ийг зөвхөн тухайн Excel файл дээр хуулдаг гэж ойлгож болохгүй. Та тухайн sheet-ийг өөр нэгэн Excel файл дээр эсвэл шинээр Excel файл үүсгэх замаар хуулж болно. Хэрхэн яаж хуулах талаар өмнөх жишээг ашиглах замаар тайлбарлая.

Sheet9 нэртэй sheet-ийг шинэ Excel файл дээр хуулъя. Үүний тулд дээрхтэй адилаар хуулах гэж буй Sheet-ийг сонгож, Move or Copy… коммандыг өгнө. Үүсэх Мover or Copy цонхонд дараах зурагт үзүүлсэн тохиргоог хийнэ.

To book: талбараас new book гэсэн сонголтыг хийнэ. Үүний дараагаар Create a copy талбарыг идэвхжүүлнэ. Эцэст нь OK коммандыг өгөхөд шинээр Excel файл үүсч, тухайн Excel файлд Sheet9 нэртэй sheet хуулагдсан байх болно.

2014-10-13-08

Холбоотой нийтлэлүүд

Бусадтай хуваалцах

Зар сурталчилгаа

Posted in: Excel зөвлөмж   Tags:

2 Responses to Sheet хуулах (Copy) техник

  1. Enkhbayar.Ba хэлдэг:
    2014.10.15 9:33 am орчим

    CTRL+Mouse khulganaaraa bas khuulj bolno.

    Хариулах

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Таслал ба цэг таслалын асуудал

      Excel программ дээр томьёо бичих явцад түгээмэл тулгардаг нэг асуудал бол таслал ба цэг таслалын асуудал юм. Дийлэнх Exceler-үүд Excel программ дээр томьёо бичихдээ таслал ашигладаг. Гэтэл зарим Exceler-үүдийн Excel программ нь цэг таслал ашиглахыг шаарддаг. Exceler-үүд энэ талаар мэддэг ч яагаад ингээд байдагийг нь төдийлөн сайн ойлгодоггүй. Ойлгохыг ч хүсдэггүй байх. Excel программ нь таслал ашиглаж байгаа бол таслалыг нь ашиглаад, цэг таслал ашиглаж байгаа бол цэг таслалыг нь ашиглаад л явж байдаг.

    • Сүүлчийн баганын үсгэн утгыг тодорхойлох нь

      Зиак оройн мэнд залуучууд. Та бүхэн сайхан хаваржиж байна уу?. Ажил алба, амьдрал ахуй нь сайн биз дээ. Хэдийгээр өвчин зовлон, хорио цээр, дэглэмтэй байгаа ч муугийн ёс биш Монголын ёс учраас ингэж мэндлэх нь зүйтэй байх. Миний бие ойрд хэд хэдэн загвар дээр ажиллааад жоохон зав зай муутай байлаа. Өнөөдрөөс эхлээд нийтлэлүүдээ бичиж эхлэе. Өнөөдрийнхөө нийтлэлээр та бүхэнд Excel загварчлал хийж байх явцад тулгарсан нэгэн асуудлыг хэрхэн шийдсэн тухай бичихээр шийдлээ.

    • Хүснэгтэн календараас амралтын өдөр тодорхойлох техник

      Нэлээд хэд хоногийн өмнө манай МАКРО-XL ном захиалсан нэг уншигч маань надаас нэг асуултыг асууж байсан юм. Тэр асуулт нь хүснэгт хэлбэрээр өгөгдсөн огнооны мэдээллээс яаж амралтын өдрүүдийг ялгаж харуулах тухай байсан юм. Тодруулбал хүснэгтийн мөрийн дагуу сар, баганын дагуу өдрийн мэдээлэл байх ба тэдгээрийн огтолцлолын цэг дээрээс амралтын өдрүүдийг ялгаж харах тухай асуулт юм. Тухайн үед асуудлыг хэрхэн шийдэх тухай гарцыг хэлж байсан ч гэсэн сайтанд нийтлэл хэлбэрээр

  • Like дараад байгаарай найзуудаа

    Excel.mn