PivotTable-ээр мэдээлэл задлах техник

6 сар 03, 2019   EXCEL.mn   1 Comment

Та бүхэнд шинэ долоо хоногийн мэнд хүргэе. Өнгөрсөн ч гэсэн дүү нартаа болон ээжүүддээ "Эх үрсийн баяр"-ын мэндийг хүргэе. Та бүхэн Хүүхдийн Та бүхэний ажил үйл өөдрөг сайн байгаа гэдэгт миний бие 100 хувь итгэлтэй байна. Өнөөдрийнхөө нийтлэлээр та бүхэнд PivotTable ашиглаж, мэдээллийг хэрхэн задлах тухайн нэгэн нийтлэлийг оруулахаар бэлдлээ. Их хэмжээний мэдээлэл дээр ажилладаг хэн бүхэнд энэхүү нийтлэл маань хэрэг болно гэдэгт итгэлтэй байна.

Зар сурталчилгаа

Үүссэн асуудал:

Бидэнд дараах зурагт үзүүлсэн мэдээлэл өгөгдсөн байна. Энэхүү мэдээлэлд 2012 оны 6 дугаар сараас 2013 оны 1 дүгээр сар хүртэл өдөр тутамын машины бүртгэлийн мэдээлэл агуулагдаж байна.

Бидний зорилго бол энэ мэдээллээс сар бүрийн мэдээллийг Sheet бүрт салгаж авах явдал юм. Жишээлбэл 2012 оны 6 дугаар сарын мэдээллийг Sheet1 дээр, 2012 оны 7 дугаар сарын мэдээллийг Sheet2 дээр гэх мэтчлэнгээр сар сараар нь мэдээллийг Sheet-үүдэд хуваарилах явдал юм. Энэ асуудлыг хамгийн хялбар аргаар хэрхэн шийдвэрлэх талаар одоо авч үзье.

Асуудлыг шийдвэрлэсэн нь:

Энэ асуудлыг бид гар аргаар түүвэрлэх замаар шийдвэрлэнэ гэвэл нэлээдгүй хугацааг зарцуулна. Иймээс бид асуудлыг хялбарчлах үүднээс PivotTable-ийг ашиглана.  Юуны өмнө өгөгдсөн мэдээллээр энгийн PivotTable-ийг үүсгэе. Үүний тулд дараах зааврыг дагана.

  1. Мэдээллийг бүхэлд нь сонгоно. Манай жишээний хувьд A1:B2159 мужийг сонгоно.
  2. Insert цэснээс PivotTable коммандыг өгнө.
  3. Ингээд OK коммандыг өгснөөр энгийн PivotTable үүснэ. Үүссэн PivotTable дээр дараах тайланг үүсгэнэ. Үүнд:
    – FIlters талбарт: Хугацаа
    – Rows талбарт:     Машин №
    Үүний үр дүнд дараах PivotTable Report үүссэн байх болно. Энэ талаар дараах зурагт үзүүлэв.
  4. Зиак энгийн PivotTable Report-ийг үүсгэчихлээ.

Бид дээрх зааварын дагуу энгийн PivotTable Report-ийг үүсгэсэн. Одоо PivotTable-ийг идэвхжүүлж (PivotTable-ийн дурын нэг нүд дээр курсорыг байршуулна), Analyze цэснээс Option коммандын жижиг сум дээр дарна.  Энэ талаар дараах зурагт үзүүлэв.

Зар сурталчилгаа

Үүний үр дүнд дээрх зурагт үзүүлсэн 3 сонголт бүхий цэс үүсэх ба үүнээс дунд талд байрлах "Show Report Filter Pages…" гэсэн коммандыг өгөхөд Show Report Filter Pages гэсэн цонх нээгдэнэ.

Тус цонхноос OK коммандыг өгөхөд өгөгдсөн мэдээлэл хугацаа тус бүрээр Sheet-үүдэд автоматаар хуваарилагдах болно. Үр дүнг дараах зурагт үзүүлэв.

Ингээд л асуудал маань шийдэгдлээ. Амархан байгаа биз. Та бүхэн туршаад үзээрэй. Ажлын файлыг хавсаргав. Амжилт хүсье. 20190603

Зар сурталчилгаа

Бусадтай хуваалцах

Холбоотой нийтлэлүүд

Posted in: Excel зөвлөмж

One Response to PivotTable-ээр мэдээлэл задлах техник

  1. munkhbat хэлдэг:
    2019.06.03 8:47 pm орчим

    Сайн байна уу?
    Танайх танхим сургалт гэж байдаг уу?
    Онлайн байдаг уу?
    сургалтын талаар мэдээлэл авах гэсэн юм.

    Хариулах

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Их хэмжээний мужид томьёо хуулах техник

      Бороотой өдөр байна. Нэг амархан боловч чухал техникийн талаар өнөөдөр танилцуулая. Copy/Paste үйлдлийг манай Excel хэрэглэгч нар бараг бүгдээрээ мэднэ. Энэ бол Excel программ дээр хамгийн их хэрэглэгддэг комманд. Хэдийгээр энэ коммандыг бүгд ашигладаг ч зарим тохиолдолд тийм ч оновчтой бусаар ашиглаж байгаа нь харагддаг. Өөрөөр хэлбэл их хэмжээний мэдээлэл дээр Copy/Paste үйлдлийг хийхдээ мэдээлэл хуулах мужийг идэвхжүүлэх, хулагана чирэх зэрэг үйлдлийг хийж, улмаар цаг хугацаа их алддаг.

    • Хүсэлтийн хариу (тооны формат)

      Оройн мэнд Exceler-үүдээ. Та бүхний ажил хөдөлмөр өндөр л биз дээ. Удахгүй улиралын эцэс болж, бид бүгдийн ажил ихсэх гэж байна. Тэр болтол толгой тархиа Excel техникээр сайтар цэнэглээд аваарай 🙂 🙂 🙂 . Зиа өнөөдрийнхөө нийтлэлээр нэг хялбархан Excel техникийн талаар товч танилцуулъя. Хэдийгээр хялбархан ч гэсэн зарим нэг хүмүүс энэ талаар төдийлөн сайн мэддэгүй. За яагаад энэ нийтлэлийг бичих болов гэвэл манай сайтын СЭТГЭГДЭЛ хэсэгт Оогий гэсэн нэгэн уншигч маань энэ талаар асуусан юм.

    • Семинарт хүрэлцэн ирэх хувийн бэлтгэл

      За та бүхэндээ энэ өдрийн мэндийг хүргье. Ойрд семинарын гарын авлага бэлтгэх гэж нэлээдгүй ажиллаа. Ерөнхийдөө гарын авлага бэлэн болсон. Гарын авлагыг A4-ийн цаасан дээр хэвэлсэн болно. Семинар зохион байгуулагдах сургалтын заал маань нийт 25-30 хүн хүлээн авах хүчин чадалтай. Иймээс семинарт оролцогчдын тоог 25-30 хүн байхаар хязгаарласан. Хэрэв энэ 7 хоногийн семинарт анги танхимын багтаамж, хувийн болоод албаны ажлаас шалтгаалж оролцож чадаагүй хүмүүстэй ирэх 7 хоногт

  • Like дараад байгаарай найзуудаа

    Excel.mn

shares