MERGE хийгдсэн баганын мэдээлэлд боловсруулалт хийх нь

4 сар 19, 2019   EXCEL.mn   1 Comment

Зиак салхи, шуургатай өдрийн мэндийг хүргэе. Ойрд EXCEL.mn сайтандаа их засвар хийгээд жоохон зав муутай байлаа. Яагаад их засвар хийх шаардлагатай болсон бэ гэхээр WordPress-д байнгын шинэчлэл сайжруулалт хийгдээд, сайтын маань үндсэн Theme-д шинэчлэл хийгдэхгүй байсан учраас сайт маань WordPress-ийн шинэ хувилбар дээр ажиллахгүй болсон. Иймээс веб сайтанд зайлашгүй шинэчлэл хийх шаардлагатай болсон юм. Зиак энэ ч яахав. Манай сайтын дотоод асуудал. Гол ажилдаа орцгооё. Өнөөдрийнхөө нийтлэлээр та бүхэнд MERGE хийгдсэн мэдээллийн санд хэрхэн боловсруулалт хийж, өөрийн хүссэн загварт оруулах талаар нэгэн техникийн зөвлөмжийг өгөхөөр шийдлээ.

Зар сурталчилгаа

Үүссэн асуудал:

Бидэнд Excel программын A1:C22 мужид агуулагдах хэлбэртэй мэдээлэл өгөгдсөн байна. Тус мэдээллийг F1:H22 мужид үзүүлсэн хэлбэртэй адил форматанд оруулах шаардлагатай болжээ. Та бүхэн энэ талаар дараах зурагнаас харж болно.

Энэ асуудлыг хэрхэн шийдвэрлэх талаар одоо авч үзье.

Асуудлыг шийдвэрлэсэн нь:

Нэн тэргүүнд бид A1:A22 мужийг сонгож, Home цэснээс Merge & Center коммандыг өгнө. Эсвэл хулганын баруун товчийг дарах замаар Merge & Center коммандыг өгнө. Энэ талаар дараах зурагт үзүүлэв.

Энэ коммандын үр дүнд A1:A22 мужийн Merge арилаж, нэг нүдэнд тухайн утгууд агуулагдах болно. Гарсан үр дүнг дараах зурагт үзүүлэв.

Зар сурталчилгаа

Үүний дараагаар шууд Gtrl+G коммандыг өгч, Go To цонхыг нээнэ. Энэ талаар дээрх зурагнаас харж болно. Дараагийн алхамд тус цонхноос Special… коммандыг өгнө.  Үүний үр дүнд Go To Special цонх нээгдэнэ.

Go To Special цонхноос Blanks сонголтыг хийж, OK коммандыг өгснөөр A1:A22 муж дахь хоосон нүднүүд сонгогдоно. Үр дүнг дараах зурагт үзүүлэв.

Энэ үр дүнг хөдөлгөхгүйгээр шууд = товчийг дарж, A2 нүдийг сонгоод л орхино. Өөр ямар нэгэн үйлдэл хийхгүйг анхаараарай. Энэхүү процессийг дараах зурагт үзүүлэв.

Эцэст нь Ctrl+Tab+Enter хосолсон товч бүхий коммандыг өгнө. Энэ коммандын дараа бидний хүссэн үр дүн A1:A22 мужид гарах болно. Үр дүнг дараах зурагт үзүүлэв.

Ингээд л асуудал маань амархан шийдэгдлээ. Та бүхэн туршаад үзээрэй. Тэгээд Sharing is caring! 🙂 🙂 🙂 🙂

Зар сурталчилгаа

Бусадтай хуваалцах

Холбоотой нийтлэлүүд

Posted in: Excel зөвлөмж

One Response to MERGE хийгдсэн баганын мэдээлэлд боловсруулалт хийх нь

  1. Зочин хэлдэг:
    2019.04.20 12:55 am орчим

    esergeer ni ijil utgiig yaj negtgeh be.

    Хариулах

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Графикт динамик хаяг оруулах техник

      Сайн байцгаануу эрхэм хүндэт уншигч зочидоо. Та бүхэн сар шинэдээ сайхан шинэлцгээсэн үү. Миний хувьд сайхан л шинэллээ. Хөдөө гадаагуур их явлаа. Олз омог ч их хураалаа. Миний хамгийн дуртай баяр бол яах аргагүй цагаан сар юм. Бага байхаасаа л энэ баярыг их хүлээдэг байж билээ. Баяр ойртох тусам шөнө нойр хүрэхгүй их догдолдог байж билээ. Ээж аав маань ч их өргөн тэмдэглэдэг. Энэ л баяраар ах дүү хамаатан садныдаа очих юм даа. За ингээд өнөөдрийн нийтлэлээ та бүхэнд танилцуулья.

    • Өгөгдсөн листны хамгийн сүүлийн утгыг тодорхойлох

      Зиак эрхэм Exceler-үүдэд амралтын өдрийн мэндийг хүргье. Ойрд ажил төрөл ихтэй байсан болоод нийтлэл бичих завгүй өдөр хоногуудыг өнгөрөөлөө. Та бүхний ажил төрлүүд бүгд сайн байгаа гэдэгт итгэлтэй байна. За тэгээд нягтлан найзууд маань тайлан тооцоогоо амжиллтай өгч дуусгасан гэдэгт бас итгэлтэй байна. Өнөөдөр миний хувьд өөрт тулгарсан нэгэн асуудлыг хэрхэн шийдсэн тухай нийтлэл бичихээр шийдвэрлэлээ. Энэ бол өгөгдсөн листний хамгийн сүүлийн утгыг хэрхэн тодорхойлсон тухайн нийтлэл юм.

    • Эрхэм хүндэт уншигч нартаа БАЯРЛАЛАА

      За шинэ он гарахад ганцхан цаг үлдлээ. Энэ хугацаанд амжиж та бүхэндээ баярласан, талархсан сэтгэлээ илэрхийлэе гэж бодлоо. Юуны өмнө та бүхэндээ ШИНЭ ЖИЛИЙН ГАЛ ХАЛУУН БАЯРЫН МЭНДИЙГ ХҮРГЬЕ. Та нар минь 2014 ондоо Excel программ үргэлжилүүлэн судалж, EXCEL программ дээр ажиллах ур чадвараа улам бүр хөгжүүлээрэй гэж миний зүгээс хүсэн ерөөж байна. За тэгээд АЗ, ЖАРГАЛТАЙ, ЭРҮҮЛ ЭНХ байхыг хүсэн ерөөе. Бидний бэлтгэсэн зөвлөмж, нийтлэлүүдийг маань алгасалгүй уншдаг,

  • Like дараад байгаарай найзуудаа

    Excel.mn

shares