Өгөгдсөн мэдээлээс тоон утга агуулсан мэдээллийг шүүх техник

6 сар 04, 2017   EXCEL.mn   No comments

Зиак оройн мэнд залуучуудаа. Амралтын өдрөө ая тухтай өнгөрүүлж, "Яг түүн шиг" шоугаа үзээд л сууцгааж байна уу. Миний хувьд шоугаа үзэнгээ, нийтлэлээ бичээд сууж байна. Яалт ч гүй Бархүү мундаг юмаа 🙂 🙂 🙂 . Бархүүг барах уу!!! . Зиак энэ ч яахав. Гол ажилдаа орцгооё. Өнөөдрийнхөө нийтлэлээр та бүхэнд Excel программ дээр шүүлт хийх нэгэн техникийг танилцуулахаар бэлтгэсэн. Энэ бол өгөгдсөн хүснэгтэн дотроос тоон утга агуулсан мэдээллийг хэрхэн шүүх талаар юм. Зиак ингээд нийтлэлээ эхэлцгээе.

Зар сурталчилгаа

Үүссэн асуудал

Бидэнд дараах зурагт үзүүлсэн мэдээлэл өгөгдсөн байна.

Тус хүснэгтэн мэдээллийн A1:A8 мужид агуулагдах мэдээллээс тоон утга агуулсан мэдээллийг шүүж харах шаардлагатай болсон. Тодруулбал {Exce2, Word 63, Formula89, String6} гэсэн мэдээллийг шүүж харах явдал юм. Үр дүнг дараах зурагт үзүүлэв.

Дээрх үр дүнг Filter комманд ашиглан мэдээллийг нэг бүрчлэн сонгох замар шүүлтийг хийсэн. Их хэмжээний мэдээлэл дээр энэ техникийг ашиглах боломжгүй юм.

Асуудлыг шийдвэрлэсэн нь

Асуудлыг шийдэхийн тулд нэн тэргүүнд D багананд туслах тооцоолол хийх нэмэлт багана оруулж ирэх шаардлагтай.

Зар сурталчилгаа

Дараагийн алхамд D2 нүдэнд дараах томьёоллыг бичиж, D3:D8 мужид хуулна. Энэ талаар дараах зурагт үзүүлэв.

=COUNT(FIND({0,1,2,3,4,5,6,7,8,9},A2))>0

Үүний үр дүнд D2:D8 мужид TRUE, FALSE гэсэн утга бүхий үр дүн гарна. Өөрөөр хэлбэл TRUE гэсэн утга гарвал А баганын харгалзах мөрөнд тоон утга агуулагдсан мэдээлэл байна. FALSE утга гарвал A баганын харгалзах мөрөнд тоон утга агуулагдсан мэдээлэл байхгүй байна гэдгийг илэрхийлнэ.

Эцэст нь A1:D1 мужийг сонгож, Data цэснээс Filter коммандыг өгнө.

Ингээд л асуудал шийдэгдлээ. Одоо Data-4 баганаас TRUE утгыг Filter хийхэд бидний хүссэн үр дүн шүүгдэх гарах болно. Үр дүнг дараах зурагт үзүүлэв.

БАРХҮҮҮҮҮҮҮҮ

Бархүүг барах уу!!!!

Зар сурталчилгаа

 

Бусадтай хуваалцах

Холбоотой нийтлэлүүд

Posted in: Excel зөвлөмж, Excel функц

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Finance-XL загвар дээр гүйлгээ хийх процессийг хялбарчлах техникийн зөвлөмж (1-р хэсэг)

      Та бүхэн манай сайтаас боловсруулсан Finance-XL загварын талаар мэднэ байх. Тус загварыг нэлээдгүй хүмүүс ашиглаж байгаа бөгөөд тус загвартай холбоотой хэд хэдэн асуултууд байнга ирдэг. Тэдгээрийн нэг нь "Ижил агуулгатай нэгэн төрлийн олон гүйлгээнүүдийг Finance-XL загварт хэрхэн оруулах бэ ?" гэсэн асуулт юм. Мэдээж 200, 300 эсвэл түүнээс их хэмжээний нэг төрлийн гүйлгээнүүдийг нэг бүрчлэн гараар Finance-XL загварт гараар шивж оруулна гэдэг бол нэлээдгүй ажиллагаатай үйлдэл юм. Маш их цаг хугацаа шаардана.

    • Семинарын бүртгэл дууссан.

      Зиак эрхэм Exceler-үүддээ шинэ өдрийн мэндийг хүргье. EXCEL.mn сайтаас энэ сарын 20, 21-ний өдрүүдэд зохион байгуулах гэж байгаа "САНХҮҮГИЙН ТАЙЛАН ДАХЬ EXCEL ЗАГВАРЧЛАЛ" сэдвийн хүрээн дэх семинарын бүртгэл дууссан. Энэ удаагийн семинарт хамрагдаж чадаагүй хүмүүс дараагийн семинарт суух боломжтой. Дараагийн семинарын товийг ирэх долоо хоногоос зарлах болно. За ингээд манай семинарт бүртгүүлсэн Exceler-үүддээ баярлалаа. Та бүхэн амжилт хүсье.

    • Ерөнхийлөгчийн сонгууль-2013

      За та бүхэнд Ерөнхийлөгчийн сонгуулийн амралтын өдрийн мэндийг дэвшүүлье. Ерөнхийлөгчийн сонгууль болж байгаа учраас бүх нийтээрээ амарч байна. Миний хувьд энэ амралтын өдрийг тохиолдуулаад, мөн Ерөнхийлөгчийн сонгуультай холбогдуулаад нэгэн нийтлэл бичье гэж бодлоо. Энэ бол сонгуулийн Ексэлжүүлсэн системийн талаарх нийтлэл юм. 🙂 🙂 :-). Энэ системийг манай Excelmetrics.org-ийн зүгээс боловсруулсан болохоор Сонгуулийн Екселжүүлсэн систем гэж нэрлэсэн юм.

  • Like дараад байгаарай найзуудаа

    Excel.mn

shares