Фолдер дотрохи файлын нэр тодорхойлох техник

2 сар 25, 2015   EXCEL.mn   3 Comments

Зиак Exceler-үүд сайхан шинэлцгээсэн үү. Ойрд цагаан сар, энээ тэрээ гээд зав муутай байлаа. Одооноос л арай гайгүй болж байна. Гэхдээ удахгүй сарын сүүл боллоо. Улиралын сүүл биш ч гэсэн гэсэн бас хөөрхөн ажилтай болчихдог юм.  Өнөөдөр миний төрсөн өдөр болж байгаа. Төрсөн өдрийн мэнд хүргэсэн бүх Exceler-үүддээ баярлалаа. Зиак өнөөдрийнхөө нийтлэлээр олон файлтай ажилладаг хүмүүстээ зориулж, тухайн нэг фолдер дотрохи файлын нэрcийг Excel программ дээр хэрхэн тодорхойлох тухай нийтлэл бичье.

Зар сурталчилгаа

Миний компьютерийн дэлгэц буюу Desktop дээр My files нэртэй фолдер байна. Тус фолдер дотор дараах зурагт үзүүлсэн файлууд агуулагдаж байна.

FN_1

Эдгээр файлын нэрсийг Excel программд оруулах шаардлага гарчээ. Өөрөөр хэлбэл дараах зурагт үзүүлсэнтэй адилаар Excel программд оруулна.

FN_2

5 эсвэл 10-хан ширхэг файлын нэрсийг Excel программд оруулахад ядах юмгүй гараар оруулчихана. Харин 200, 300 файлын нэрсийг Excel программд оруулна гэвэл нэлээдгүй хүч хөдөлмөр шаардана байх шүү. Тэгвэл одоо хялбар аргаар тухайн нэг фолдер дотрохи файлын нэрсийг Excel программд хэрхэн оруулах талаар бичие.

  • Нэн тэргүүнд бид файлууд агуулж буй фолдерын замыг тодорхойлж, B1 нүдэнд дараах байдлаар бичнэ.

C:\Documents and Settings\magic\Desktop\My files\*

FN_3

Дээрх фолдер байршиж буй замын сүүлд * гэсэн тэмдэглэгээг оруулсан нь тухайн фолдер дотрохи бүх файл энэ зам дээр байна гэдгийг илэрхийлж буй хэрэг юм.

  • Ингээд Formula цэснээс Name Manager коммандыг өгч, Name Manager цонхыг нээнэ. Тус цонхноос New… коммандыг өгч New Name цонхыг нээнэ.

FN_5

New Name цонхны:

Name: талбарт File_name,

Refers to: талбарт =Files(Sheet1!$B$1)

гэж бичээд, OK коммандыг өгчь New Name цонхыг хаана. Мөн Name Manager цонхыг хаана.

FN_4

  • Одоо A1 нүдэнд дараах томьёог бичиж, A30 нүд хүртэл чирэх замаар хуулна.

=IFERROR(INDEX(File_name,ROWS($A$1:A1)),"")

FN_6

Үүний үр дүнд My Files фолдерт агуулагдах бүх файлын нэрс, өргөтгөлийн хамт A багананд үүсэх болно. Ингээд л болоо доо. 🙂 🙂 🙂 . Та бүхэнд амжилт хүсье. Туршаад үзээрэй. Хэзээ нэгэн цагт танд хэрэг болно гэдэгт итгэлтэй байна.

Бусадтай хуваалцах

Зар сурталчилгаа

Холбоотой нийтлэлүүд

Posted in: Excel зөвлөмж

3 Responses to Фолдер дотрохи файлын нэр тодорхойлох техник

  1. User хэлдэг:
    2015.02.26 4:49 am орчим

    Хайгаад байсан зүйл байна.Өмнө нь скрийншот хийгээд л хэвлээд байлаашт. Баярлалаа

    Хариулах
  2. User хэлдэг:
    2015.02.26 4:50 am орчим

    Яг хайгаад байсан зүйл байна. Өмнө нь скрийншот хийгээ л хэвлээд байлаашт

    Баярлалаа

    Хариулах

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • МАКРО-XL номны танилцуулга

      Зиак Exceler-үүдэд өдрийн мэнд хүргье. Зуны аагим халуун өдрүүд үргэлжилж байна. Манай сайтаас өнгөрсөн 6 дугаар сард МАКРО-XL хэмээх Excel автоматжуулалтын тухай өгүүлсэн ном гаргасныг та бүхэн мэдэж байгаа байх. Иймээс өнөөдрийнхөө нийтлэлээр тус номныхоо талаар танилцуулга хийхээр шийдлээ. Учир нь бид өмнө МАКРО-XL хэмээх шинэ бүтээл гарлаа л гэсэн болохоос биш тухайн бүтээлийнхээ талаар дэлгэрэнгүй танилцуулыг хийгээгүй байсан билээ. За ингээд өнөөдрийнхөө нийтлэлийг эхлэе.

    • Finance-XL загвар дээр гүйлгээ хийх процессийг хялбарчлах техникийн зөвлөмж (1-р хэсэг)

      Та бүхэн манай сайтаас боловсруулсан Finance-XL загварын талаар мэднэ байх. Тус загварыг нэлээдгүй хүмүүс ашиглаж байгаа бөгөөд тус загвартай холбоотой хэд хэдэн асуултууд байнга ирдэг. Тэдгээрийн нэг нь "Ижил агуулгатай нэгэн төрлийн олон гүйлгээнүүдийг Finance-XL загварт хэрхэн оруулах бэ ?" гэсэн асуулт юм. Мэдээж 200, 300 эсвэл түүнээс их хэмжээний нэг төрлийн гүйлгээнүүдийг нэг бүрчлэн гараар Finance-XL загварт гараар шивж оруулна гэдэг бол нэлээдгүй ажиллагаатай үйлдэл юм. Маш их цаг хугацаа шаардана.

    • ARRANGE & WORKSPACE-ийн хослол

      Зиа та бүхэнд энэ өдрийн мэндийг хүргье. Гадаа ч ойрын үед сайхан дулаараад ёстой NICE гэдэг нь байна. Гэхдээ үүнд баярлаад гадуур дотуурах хувцасаа нимэглэх арай болоогүй шүү хүмүүсээ. Ядаж гурван сар дундаа орог. Уул үзээгүй байж хормой шуух …. гэдэг зүйр үг шиг жоохон дулаарна уу үгүй ю хамаг хувцасаа тайлаад тавьчихсан залуучууд зөндөө гадуур явж байна шүү. За энэ ч яахав хувь хүмүүсийн асуудал байх. Харин би өөрөө гол асуудалдаа орьё. Надад өдөр тутам ашигладаг, өөр хоорондоо холбоотой хэд хэдэн Excel файл байдаг юм.

  • Like дараад байгаарай найзуудаа

    Excel.mn

shares