Тэгш үү? сондгой юу?

10 сар 18, 2012   EXCEL.mn   No comments

Бид өмнө нь өгөгдсөн тоог анхны тоо мөн үү биш үү гэдгийг хэрхэн шалгах тухай нийтлэлийг оруулж байсан билээ. Харин өнөөдрийн нийтлэлээр өгөгдсөн тоо тэгш тоо юу эсвэл сондгой тоо юу гэдгийг хэрхэн шалгах талаар авч үзэх болно. Мэдээж өгөгдсөн тоог тэгш, сондгой эсэхийг шууд нүдээр хараад хэлж болно. Харин MS Excel программаар өгөгдсөн тооны тэгш, сондгойг хэрхэн шалгадаг бэ гэсэн асуудал тодорхой бус байна. Үүнийг шалагадаг функц ч MS Excel программд байдаггүй юм байна. Ингээд одоо тооны тэгш сондгой MS Excel программ дээр хэрхэн шалгадаг талаар авч үзье.

Зар сурталчилгаа

Бидэнд дараах 1-1,000 хооронд утга авдаг 1,000 ширхэг санамсаргүй тоонууд өгөгдсөн байна.

Эдгээр тоонуудаас хэд нь сондгой тоо, хэд нь тэгш тоо болохыг тодорхойлох шаардлагатай болсон. Үүнийг хэрхэн яаж хийх бэ?

Бидний хамгийн эхэнд хийх алхам бол тухайн нэг тоог тэгш тоо юу сондгой тоо юу гэдгийг мэдэх хэрэгтэй. Тэгэхээр бид ямар ч тэгш тоо 2-т хуваагддаг, харин ямар ч сондгой тоо 2-т хуваагддагүй гэсэн зарчмыг баримтлана. Үүний шалгахын тулд бид MS Excel программын =MOD() функцийг ашиглана. =MOD() функцийг хэрхэн яаж ашигладаг талаар та бүхэн ЭНЭ линкээр орж үзээрэй.

Хэрэв өгөгдсөн тоо тэгш бол =MOD() функцийн хариу үлдэгдэлгүй буюу 0.0 гарна. Хэрэв өгөгдсөн тоо сондгой бол хариу нь үлдэгдэлтэй буюу 1 гарна.

Зар сурталчилгаа

Жишээлбэл хамгийн эхний тоо буюу A1 нүдний утга тэгш сондгой аль нь болохыг B1 нүдэнд шалгая.

Үүний хариу 0.0 гарна. Учир нь 368 гэдэг тоо маань өөрөө тэгш тоо учир. Ингээд B1 нүдэн дэхь томьёог доош чирч хуулах замаар бусад тоонуудын тэгш сондгойг 1 эсвэл 0 гэсэн тоогоор ялгана. MOD функцийн хариу 0 гэж гарсан нөхцөлд тухайн өгөгдсөн тоо тэгш, харин 1 гэж гарсан нөхцөлд өгөгдсөн тоо сондгой гэж ялгагдана.

Одоо B1:B1000 мужид зөвхөн 1 эсвэл 0 гэсэн утгууд агуулагдаж байгаа тул шууд =SUM() функцээр нийлбэрийг олж, хичнээн сондгой тоо байгааг шууд тодорхойлж болно. Харин тэгш тоо нь 1000-SUM(B1:B1000) байх болно.

Зар сурталчилгаа

Бусадтай хуваалцах

Холбоотой нийтлэлүүд

Posted in: Excel функц

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Тоо бодлого-2 (Зохиомол дунджийг тодорхойлох)

      Амралтын өдрүүд үргэлжилж байна. Энэ өдрүүдээр та бүхэндээ MS Excel программ дээр хэрхэн тоо боддог талаар танилцуулья гэж бодлоо. Тоо бодлого гэхээр та бүгд нөгөө математикын айхтар айхтар хэлбэр дүрс нь мэдэгдэхгүй томьёо функцүүд гэж ойлгож болохгүй шүү. Зүгээр л амьдрал дээр өдөр тутам тулгардаг тооны талын асуудлуудыг хэрхэн шийдвэрлэх тухай л энд өгүүлэх болно. Өчигдөр та бүхэнд нэгэн компанийн автомашины түрээсийн тооцоог MS Excel программын функцүүдийг ашиглан хэрхэн хийх тухай нийтлэл бичсэн.

    • Зураг ба Excel VBA

      Зиа та бүхэнд өдрийн мэнд хүргье. Өнөөдөр шинэ долоо хоногийн эхний өдөр. Өглөө босох гэж нилээд зовлоо. Арай гэж л босч ажилдаа ирлээ. Үдээс өмнө гадуурх ганц хоёр ажилаа амжууллаа. Үдээс хойш яг таг өрөөндөө суулаа даа. Ажил тарах дөхөж байна. Нэг нийтлэл бичихээр шийдлээ. Нээрээ өнгөрсөн амралтын өдөр Сайтандаа нэг Plugin суулгалаа. Одоо л ид шидийг нь үзье байз. Энэ Plugin-ийг туршиж үзэх албаар MACRO-той нийтлэл сонгосон юм. Та бүхэн Plugin-ийн үр дүнг олоорой.

    • Огноо бүхий мэдээллийг хоосон мөрөөр тусгаарлах нь

      Зиак залуучууд, Exceler-үүдэд энэ оройн мэндийг хүргэе. Та бүгдийн ажил төрөл тавтай сайн байна уу. Нягтлангууд маань тайлан тооцоонийхоо ард гарч, айдас хүйдэс нь дарагдсан байхаа гэж бодож байна л даа. Айдас хүйдэс. 🙂 🙂 🙂 . Гадаа дулаараад манай санхүүчид, бизнесменүүд маань том том юм бодож байгаа л даа. Гэхдээ миний бие өнөөдрийнхөө нийтлэлээр та бүхэндээ сайтынхаа нэгэн уншигчид тохиолдсон нэгэн асуудлыг хэрхэн шийдвэрлэх тухай бичих болно.

  • Like дараад байгаарай найзуудаа

    Excel.mn

shares