Тоо бодлого-2 (Зохиомол дунджийг тодорхойлох)

2 сар 03, 2013   EXCEL.mn   No comments

Амралтын өдрүүд үргэлжилж байна. Энэ өдрүүдээр та бүхэндээ MS Excel программ дээр хэрхэн тоо боддог талаар танилцуулья гэж бодлоо. Тоо бодлого гэхээр та бүгд нөгөө математикын айхтар айхтар хэлбэр дүрс нь мэдэгдэхгүй томьёо функцүүд гэж ойлгож болохгүй шүү. Зүгээр л амьдрал дээр өдөр тутам тулгардаг тооны талын асуудлуудыг хэрхэн шийдвэрлэх тухай л энд өгүүлэх болно. Өчигдөр та бүхэнд нэгэн компанийн автомашины түрээсийн тооцоог MS Excel программын функцүүдийг ашиглан хэрхэн хийх тухай нийтлэл бичсэн. Харин өнөөдөр бид энгийн нэгэн оптимизацийн асуудлыг хэрхэн шийдвэрлэх тухай авч үзэх болно. Энэхүү нийтлэлтэй төстэй нэгэн нийтлэлийг бид өмнө нь бичиж байсан билээ. Тэр талаар уншмаар байвал ЭНД дарж үзээрэй.

Зар сурталчилгаа

Зиа өнөөдрийн бодлогын тавил бол маш энгийн. Бидэнд 5 ширхэг санамсаргүй тоо өгөгдсөн байна. Өгөгдсөн 5 тоог өөрчлөх боломжтой. Бидний гол зорилго бол эдгээр 5 тооны дундажыг 7.0 гэж гаргах явдал юм. Үүнийг томьёолон бичвэл:

\displaystyle Y_{\left\{ave\right\}}=\frac{x_1+x_2+x_3+x_4+x_5}{5}=7

Үүнийг гараар аргаар тодорхойлж болох боловч тийм хялбар биш байна гэдэгт итгэлтэй байна. Иймээс энэхүү дундаж тоог тодорхойлохын тулд бид MS Excel программын Goal Seek гэх оптимицазийн асуудлыг шийдвэрлэдэг нэгэн хэрэгсэлийг ашиглах болно.

Бидэнд дараах санамсаргүй тоо өгөгдсөн байна. Үүнд:

Дээрх өгөгдсөн мэдээлэлд үндэслэн А7 нүдэнд дундаж утгыг тодорхойлоё. Өөрөөр хэлбэл А7 нүдэнд =AVERAGE(A1:A5) гэсэн томьёог бичнэ. Үүний үр дүнд өгөгдсөн тооны дундаж утга 6.0 гэж гарч байна.

Зар сурталчилгаа

Одоо бид MS Excel программын Data цэснээс Goal Seek хэрэгсэлийг дуудаж гаргана. Доорх зурагт үзүүлэв.

Үүний үр дүнд дараах зурагт үзүүлсэн Gol Seek цонх нээгдэнэ.

Goal Seek цонхны Set cell: нүдэнд томьёо бүхий нүдийг оруулна. Манай жишээний хувьд A7 нүд буюу дундаж утгыг тодорхойлж байгаа нүд юм. Харин To value: нүдэнд бидний зорилтод утга буюу 7.0 гэсэн утгаа оруулж өгнө. Эцэст нь By changing cell: нүдэнд өөрчлөгдөх утгыг оруулна. Манай жишээний хувьд өгөгдсөн 5 санамсаргүй тооны аль нь ч байж болно. Иймээс бид А5 нүдний утгыг By changing cell: нүдэнд оруулсан болно. Ингээд OK коммандыг өгөхөд бидний хүсэн хүлээсэн 7.0 гэсэн дундаж тоо А7 нүдэнд гарах болно. Харин бидний өөрчлөх боломжтой гэсэн А5 нүдний утга 14 болсон байна.

Энэхүү MS Excel программын Goal Seek хэрэгсэлийг гол төлөв жижиг хэмжээний оптимизацийн асуудлыг шийдвэрлэхэд өргөн ашигладаг. Та бүгд өөрт тулгарсан аливаа асуудлыг энэхүү хэрэгсэлээр хялбархаан шийдэх боломжтой шүү. За тэгээд энэхүү нийтлэлийн ерөнхий агуулагыг ойлгосон гэдэгт итгэлтэй байна. Та бүхэнд амжилт хүсье.

Зар сурталчилгаа

 

Бусадтай хуваалцах

Холбоотой нийтлэлүүд

Posted in: Excel зөвлөмж

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Зээлийн график хийж сурцгаая

      Би 10.0 сая төгрөгийн зээл авмаар байна. Хаан банкинд хүү нь сарын 1.8 хувь гэж байна. Хэрвээ би 3 жилийн хугацаатайгаар өдий хэмжээний зээлийг авбал сард ойролцоогоор хэдэн төгрөг төлөх бэ ? гэж (төстэй асуултууд) асуух хүмүүстэй олон удаа таарсан. Энэ тооцоог хэдийгээр эдийн засагч, санхүүч хүмүүс хийж чадах боловч энгийн, мэргэжилийн бус хүмүүс тийм ч амархан хийж чадахгүй. Хэрэв танд болон таны таньдаг хүмүүст иймэрхүү асуудал тулгарсан бол энэхүү нийтлэлийг сайтар уншаарай.

    • Cost-XL загварын танилцуулга (EXCEL.mn: ШИНЭ БҮТЭЭЛ)

      Зиак өглөөний мэнд эрхэм Exceler-үүдээ. Та бүхэн сайхан амарч байна уу. Өнөөдөр миний бие нэгэн шинэ бүтээлээ та бүхэнд танилцуулах гэж байгаадаа баяртай байна. Энэ бол Cost-XL буюу бараа материалын бүртгэл хөтлөлт, өртөг тооцоолол хийх зориулалт бүхий Excel загвар юм. Бид өмнө нь буюу 2015 онд өртөг тооцоолол хийдэг Cost-XL загварыг хийсэн боловч тухайн үед тооцоолол дээр алдаа гарч, тухайн төслийг бүхэлд нь зогсоож байсан. Улмаар уг төслийг энэ оны өнгөрсөн 4 дүгээр сараас

    • Шийдэл: Өгүүлбэрт тоон мэдээлэл оруулах техник (Асуултын хариулт)

      Зиак оройн мэнд залуучууд. Өчигдөр нэгэн уншигч маань өгүүлбэрт хувиар илэрхийлсэн тоон үзүүлэлтийг хэрхэн оруулах бэ? Гол нь хувиар илэрхийлсэн үзүүлэлтийг өөрчилөхөд дагаад тэр өгүүлбэрт хувь нь өөрчлөгддөг байдлаар томьёог хэрхэн бичих талаар асуусан юм. Тухайн үед нь тайлбарласан ч бүрэн ойлгуулж чадаагүй учраас асуултын хариултыг нийтлэл хэлбэрээр орууллаа. Зарим хүмүүст ч хэрэг болно байх гэсэн үүднээс энэхүү асуултын хариултыг нийтлэл хэлбэрээр оруулж байгаа болно.

  • Like дараад байгаарай найзуудаа

    Excel.mn

shares