Тоо бодлого-1 (Түрээсийн тооцоо)

2 сар 02, 2013   EXCEL.mn   No comments

За та бүхэндээ өглөөний мэнд хүргье. Амралтын өдрүүд эхэлж байна. Иймээс нэг сайхан тоо бодоё гэж бодлоо. Ер нь Excel программын нэг гол үүрэг бол тооцоолон бодох процессийг хялбаршуулах явдал юм. Иймд энэхүү гайхамшигтай чадварыг нь ашиглах зорилгоор нэгэн хялбархаан Excel бодлогын тавилыг зохиоё. Нэгэн тээвэрийн компани нийт 242 машинтайгаар үйл ажиллагаагаа эрэхлэн явуулдаг. Тэдгээр машинуудынхаа 24-ийг нь бусдад түрээслэн ашиглуулдаг бөгөөд тухайн нэг сарын түрээсийн үнэ нь түрээслэгчийн тухайн сард явсан рейсийн тооноос хамаарч 2 өөр байдаг. Тодруулбал түрээслэгч сард 15 ба түүнээс дээш тээвэрийн рейс хийсэн нөхцөлд рейс тутамд машины түрээс үнэ 450,000.0 төгрөг болно. Харин сард 15-аас доош рейс хийсэн нөхцөлд рейс тутамд түрээсийн үнэ 350,000.0 төгрөг болно.

Зар сурталчилгаа

Бид дээрх нөхцөлд үндэслэн доорх мэдээллийг ашиглаад тухайн компанийн түрээсийн нийт орлогыг тодорхойлоё. Энд нэмэлт тайлбарыг хийе гэж бодлоо. Энэхүү бодлогод ашиглагдсан мэдээлэлүүд /машины тоо, машины дугаар, рейсийн тоо, түрээсийн хэмжээ/ нь зохиомол мэдээлэл гэдгийг анхаараарай. Гэхдээ бодлогын үндсэн санаа нь бодит болно.

Бидэнд өгөгдсөн мэдээлэл:

Дээр мэдээллийг хураангуйлах үүднээс 26-239 дахь мөрийг Hide төлөвт оруулсан болно. Бид дээрх бодлогын хариуг механикаар буюу шууд гар аргаар нэг бүрчлэн түүж тодорхойлж болно. Гэхдээ энэ арга нь маш их хугацаа шаардана. Тэгэхээр бид өмнө нь үзэж байсан хичээлүүдээ ашиглаад хялбарахнаар ганц томьёо бичээд компанийн түрээсийн орлогын хэмжээг тодорхойлж болно. Хэрхэн яаж гэдэг талаар одоо авч үзье.

Бид энэхүү томьёололд ердөө COUNTIF, IF гэсэн хоёрхон л функцийг ашиглахад хангалттай. Томьёоны үндсэн санаа нь COUNTIF функцийг ашиглах замаар нийт машин дундааас түрээсэлдэг машиныг тодорхойлоно. Түрээсэлдэг машин нэгэнт тодорхой болсон тул рейсийн тоонд үндэслэн IF функцийг ашиглах замаар түрээсийн төлбөрийг тодорхойлно. Ингээд л бидний хүсэн хүлээсэн үр дүн бий болно доо. Зиа ингээд гол ажилдаа ороё.

Зар сурталчилгаа

Өгөгдсөн мэдээллийн D2 нүдэнд анхны томьёо буюу доорх томьёог бичнэ.

=COUNTIF($G$2:$G$25,"="&B2)

Энэхүү томьёогоор компанийн нийт машин дундаас түрээслүүлэгч машиныг тодорхойлно. Өөрөөр хэлбэл B2 нүдний утгыг G2:G25 муж дотроос хайж олох томьёо юм. Хэрэв түрээслүүлэгч машин мөн бол үр дүн 1 гэж гарна. Эсрэг тохиолдод 0 гэсэн хариу гарна. Энэ талаар доорх зурагт үзүүлэв.

Дараагийн алхамд өмнө нь бичсэн томьёог өргөтгөж дараах томьёог бичнэ. Үүнд:

=IF(COUNTIF($G$2:$G$25,"="&B2)=1,IF(C2<15,350000*C2,450000*C2),0)

Энэхүү томьёо нь хэрэв COUNTIF функцийн үр дүн 1 гэж гарсан бол дараагийн нөхцөлийг шалгах томьёо юм. Өөрөөр хэлбэл C2 нүдний утга 15-аас бага бол 350,000*C2 нүдний утга, эсрэг тохиолдолд 450,000*C2 нүдний утга байна. Зурагт дэлгэрүүлэн үзүүлэв.

Зиа ингээд л D2 нүдэнд бичсэн томьёог доош нь D242 нүд хүртэл хуулж тавихад бидний хүссэн түрээсийн хэмжээ гарч ирэх болно. Өөрөөр хэлбэл бодлогын хариу 14,000,000 төгрөг болж байна. Дээрх шийдлээс илүү хялбар арга байвал та бүхэн сэтгэгдэл хэсэгт өөрийнхөө шийдлийг үлдээгээрэй.

БОДЛОГЫН ӨГӨГДЛИЙГ ХАВСАРГАВ. ЭНД ДАРЖ АВААРАЙ

Зар сурталчилгаа

 

Бусадтай хуваалцах

Холбоотой нийтлэлүүд

Posted in: Excel загварчлал

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Finance-XL загварын хөгжил, шинэчлэлтийн талаар….

      Зиак амралтын өдрийн мэнд хүргэе, Exceler-үүдээ. Өнөөдрийнхөө нийтлэлээр та бүхэндээ Finance-XL загварынхаа үүсэл хөгжил, шинэчлэлтийн талаар товчхон танилцуулахаар шийдлээ. Finance-XL загварын маань арилжааны анхны хувилбар 2014 онд гарснаас хойш 4 жил гаруй хугацаа өнгөрчээ. Энэ хугацаанд нэлээдгүй олон хэрэглэгчтэй болж, тэд нарынхаа шаардлага, хүсэл тэмүүлэлээр Finance-XL загвар маань улам бүр сайжирч, ач холбогдлоо алдахгүйгээр өнгө зүсээ нэмсээр байна.

    • Мянгачлах техник

      Зиак залуучууд цастай, бороотой, зунтай, өвөлтэй өдрийн мэндийг хүргэе. Өчигдрөөс эхэлж манай нэг сайтын уншигч маань сонгогдсон тоон мэдээлийг хэрхэн 1000-д хувааж, мянгачлах талаар асуусан. Иймээс өнөөдрийнхөө нийтлэлээр тус асуултын хариултыг өгөе. Өмнө нь миний бие яг энэ асуудлыг биш ч гэсэн үүнтэй адил зарчмаар шийдэгдэх нийтлэлийг бичиж байсан билээ. Та бүхэн тэдгээр нийтлэлийн талаар сонирхож байвал Paste Special гэсэн түлхүүр үгээр манай сайтаас хайж үзээрэй.

    • Коммент ба коммент хэвлэх техник

      За тайлангийн үе ч эхэллээ дээ. Гэхдээ манайхан 1-р улирал юм чинь юухан байхав, юухан байхав гэж бодоод сууцгааж байгаа байх. Миний хувьд ажил гүйлгээ ч бага байна. Яагаад гэдгийг та бүхэн мэдэж байгаа байхоо. За өнөөдөр өнгөрөөд 2 хоног амарна. Цаг агаар жоохон тааруухан байх сурагтай. Амралтын өдрүүдээр амжуулах хувийн ажил их байгаа тул ажил тарахаас өмнө нэг нийтлэл бичье гэж шийдлээ. Өнөөдрийн бичих нийтлэл маань өмнөхтэй адил хэвлэх техниктэй холбоотой нийтлэл юм.

  • Like дараад байгаарай найзуудаа

    Excel.mn

shares