Бид өчигдөр өгөгдсөн тоог ашиглах замаар Excel программ дээр нэгэн зургийг зурсан билээ "Тоогоор наадах урлаг [1-3]". Гэхдээ тус нийтлэлд тэрхүү кодыг хэрхэн үүсгэсэн талаар огт дурьдаагүй. Харин өнөөдөр зурсан зургийн кодыг хэрхэн үүсгэсэн талаар бичих болно. Мэдээж зураг гэдэг бол өнгө юм. Өөрөөр хэлбэл маш олон өнгөний хослолоор зураг үүсдэг. Та дурын нэг зургийг эцэст нь тултал томруулаад нэг үзээрэй. Тухайн зургийн бүх хэсэг нь жижиг дөрвөлжин хэсгээс бүрдэх болно. Дөрвөлжин хэсгүүд нь өөр өөр өнгөөр харагдах болно. Эдгээр өнгүүд нь нийлсээр эцсийн бүлэгт зураг болж хувирч байгаа юм. Энэ талаар дараах зурагт үзүүлэв.

Дээрх зургийг сайтар ажиглавал жижиг жижиг дөрвөлжин хэсгүүд байгаа нь харагдаж байна. Яг энэ зарчим Excel программд үйлчлэнэ. Гэхдээ бид зургийг Excel программд оруулахдаа нэг жижигхээн программ ашиглах болно. Тэр программ бол Excel-ART нэртэй программ юм. Excel-ART программын интерфейсийг дараах зурагт үзүүлэв.

Мэдээж сумаар заасан хэсэгт дарж Excel программ хөрвүүлэх зургаа сонгоно. Бид өмнөх жишээгээ давтаж, I LOVE EXCEL гэсэн зургийг оруулсан болно. Үүний үр дүнд дараах зурагт үзүүлсэн дүрслэл үүснэ.

Дараагийн алхамд зургийг Excel программд харуулах өнгөний нягташил болон өнгөний тохиргоог хийнэ. Үүний дараагаар зургийг Excel 97-2003 хувилбарт буулгах уу эсвэл Excel 2007+ хувилбаруудад буулгах уу гэсэн сонголтыг хийгээд Create ExcelArt коммандыг өгнө. Ингээд Excel программд тухайн зураг хөрвөсөн байх болно.

Манай жишээний хувьд зургийг хөрвүүлсэн Excel файл маань ExcelArt-0009.xlsx нэртэйгээр үүссэн байна. Иймээс та тус файлыг олоод нээхэд бидний оруулсан зураг Excel программд үүссэн байх болно.

За ингээд өнөөдрийнхөө нийтлэлийг дуусгая. Дараагийн нийтлэлээр та бүхэнд Excel программд оруулсан зурагны өнгөний кодыг хэрхэн тодорхойлох талаар авч үзэх болно.

[button size="normal" type="default" value="Excel-Art татаж авах" href="http://excel.mn/wp-content/uploads/2013/09/ExcelArt-Freeware.zip"]

Бусадтай хуваалцах

Зар сурталчилгаа