-
Санамсаргүй сонгогдсон мэдээллүүд
-
Сүүлийн сэтгэгдэлүүд
-
Томъёо ашиглаж алдаатай мэдээллийг тодорхойлох нь
Зиак эрхэм Exceler-үүдэд амралтын өдрийн мэнд хүргэе. Та бүхэн сайхан амарч байна уу. Өнөөдөр болсон сургалт дээр маань манай нэгэн суралцагч нэг асуудлыг ихэд чухалчлан асууж байсан юм. Тухайн үед миний бие хөтөлбөрийн хүрээнд хичээл зааж байсан болохоор шууд хариулт өгөх боломжгүй байсан юм. Иймээс тус асуудлыг EXCEL.mn сайтанд нийтлэл хэлбэрээр шийдлийг нь оруулж өгье гэж амалсан юм. Иймээс өнөөдрийнхөө нийтлэлээр тус үүссэн асуудлыг хэрхэн шийдэх талаар бичихээр шийдлээ.
Зар сурталчилгаа
Үүссэн асуудал:
Бидэнд дараах зурагт үзүүлсэн мэдээлэл өгдсөн байна. Тус мэдээллийн A1:B4 мужийн мэдээлэл нь Стандарт буюу байх ёстой хэлбэр. Харин D1:E25 мэдээлэл нь программаас гарсан үр дүн. Энэ үр дүнд алдаатай мэдээлэлүүд их байгаа. Алдаатай мэдээлэл гэдэг нь Монгол нэр болон Англи нэрсүүд стандарт нэрснээс зөрсөн байгаа болно. Алдаатай мэдээллийг зурагт улаан өнгөөр будаж тэмдэглэсэн болно.
Бидний гол зорилго бол ийм алдаатай мэдээллүүдийг 20-30 мянган мөртэй мэдээлэл дундаас хайж олох процесс юм. Тэгвэл үүнийг хэрхэн олох талаар өнөөдрийнхөө нийтлэлээр авч үзье.
Асуудлыг шийдвэрлэсэн нь:
Энэ асуудлыг бид энгийн VLOOKUP функцэд багахан хэмжээний хувиргалт хийх замаар маш хялбархан шийдэж чадна. Юуны өмнө F1 нүдэнд ШАЛГАЛТ гэсэн текст бичнэ. Дараагийн алхамд F2 нүдэнд дараах томъёоллыг бичнэ.
=VLOOKUP(D2&E2,$A$2:$A$4&$B$2:$B$4,1,FALSE)
Дээрх томъёоны үр дүнг Ctrl+Shift+Enter хосолсон товчоор гаргана. Улмаар F2 нүдний томъёоллыг F3:F25 мужид хуулна. Үр дүнг дараах зурагт үзүүлэв.
Ингээд #N/A алдаа заасан үр дүнгүүд алдаатай мэдээллийг илэрхийлнэ. Иймээс D1:F25 мужийг сонгож, Data цэснээс Sort буюу эрэмблэх коммандыг өгнө. Мэдээж эрэмблэх талбар нь ШАЛГАЛТ гэсэн баганын мэдээлэл юм. Үүний үр дүнд алдаатай мэдээлэл дээд хэсэгт эрэмблэгдэн гарах болно. Үр дүнг дараах зурагт үзүүлэв.
Ингээд л бидний асуудал шийдэгдлээ. Энд ашигласан VLOOKUP томъёололд багахан тайлбарыг өгье.
Томъёоны тайлбар:
Бид үүссэн асуудлыг дан ганц энгийн VLOOKUP функцээр шийдэсэн.
=VLOOKUP(D2&E2,$A$2:$A$4&$B$2:$B$4,1,FALSE)
VLOOKUP функцийн Lookup_value аргументад D2&E2 гэсэн утгыг оруулсан. Энэ нь тухайн хоёр нүдний утгыг нэгтгэж буй томъёолол юм. Өөрөө хэлбэл D2=Aлимаа, E2=Bat гэж байвал F2=АлимааBat гэсэн мэдээлэл болж хувирана. Яг үүнтэй адилаар Vlookup функцийн Table_array нэгтгэсэн. =A1:A4&B1:B4 гэсэн томъёоллоор. Улмаар бидний мэдээлэл дараах хэлбэрт шилжиж буй хэрэг юм.
Ингээд л бидний үр дүн гарч дээ. Та бүхэн туршаад үзээрэй. Амжилт хүсье.
Зар сурталчилгаа
#Name? гэсэн алдаа заагаад үр дүн нь гарч ирэхгүй байна яах вэ?