Таслал ба цэг таслалын асуудал

5 сар 18, 2014   EXCEL.mn   No comments

Excel программ дээр томьёо бичих явцад түгээмэл тулгардаг нэг асуудал бол таслал ба цэг таслалын асуудал юм. Дийлэнх Exceler-үүд Excel программ дээр томьёо бичихдээ таслал ашигладаг. Гэтэл зарим Exceler-үүдийн Excel программ нь цэг таслал ашиглахыг шаарддаг. Exceler-үүд энэ талаар мэддэг ч яагаад ингээд байдагийг нь төдийлөн сайн ойлгодоггүй. Ойлгохыг ч хүсдэггүй байх. Excel программ нь таслал ашиглаж байгаа бол таслалыг нь ашиглаад, цэг таслал ашиглаж байгаа бол цэг таслалыг нь ашиглаад л явж байдаг. Өөрөөр хэлбэл Excel программдаа дасан зохицоод л томьёогоо бичээд явдаг гэсэн үг.

Зар сурталчилгаа

Тэгвэл Excel программ дахь таслал ба цэг таслалын зөрүүтэй байдал нь таныг Excel программ дээр ажиллахад хэрхэн нөлөөлөх талаар товч танилцуулъя. Энэ асуудал нь хэдийгээр тийм ч сүртэй асуудал биш боловч зарим тохиолдолд таны алтан цагаас тодорхой хэмжээнд хумаслах болно.

Comma_1

Comma_2

Хэрэв та Excel программд томьёо бичихдээ байнга таслал ашиглаад сурчихсан бол цэг таслал ашигладаг Excel программ дээр төдийлөн хурдтай ажиллаж чадахгүй. Яагаад гэвэл та томьёо бичих болгондоо таслал ашиглах гээд байх болно. Нөгөө талаас цэг таслал ашиглан бичсэн хэн нэгний томьёог өөрийнхөө Excel файлд хуулах үед таслал ба цэг таслалын зөрүү үүснэ. Энэ тохиолдолд та бүх цэг таслалыг ганцхан таслал болгож хувиргах ажилтай болно. Гэх мэтчилэнгээр жижиг сажиг асуудлуудыг байнга дагуулдаг. Тэгвэл энэ асуудлыг хэрхэн шийдвэрлэх бэ гэсэн зөвлөмжийг танд өгье.

Мэдээж таслал ашигладаг Excel программ, цэг таслал ашигладаг Excel программ гэсэн хоёр төрлийн Excel программ байна гэж байхгүй. Ганцхан таны компьютерийн тохиргоонд л асуудал байгаа юм. Өөрөөр хэлбэл таны компьютерийн тоон форматын тохиргоо. Үүнийг л өөрчилж, стандарт төлөвт оруулах шаардлагатай. Хэрхэн өөрчлөх талаар дараах зааварыг дагаарай.

1. Та компьютерийнхаа Control Panel фолдерийг нээнэ.

Зар сурталчилгаа

Comma_3

2. Region and Language коммандыг өгч, Region and Language цонхыг нээнэ.

3. Тус цонхны Formats хуудасны Format: хэсгээс English (United States) гэсэн сонголтыг хийнэ.

Comma_4

 4. Additional settings … коммандыг өгч, Customize Format цонхыг нээж, List separator: хэсгээс , (таслал) ; (цэг таслал) гэсэн аль нэг сонголтыг хийнэ. Мэдээж таслалыг сонговол Excel программд таслалаар томьёо бичигдэнэ. Хэрэв цэг таслалыг сонговол Excel программд цэг таслалаар томьёо бичигдэнэ.

Comma_5

Ингээд OK коммандыг өгч, нээсэн цонхнуудыг хаана. Энэ бүгдийн үр дүнд таны Excel программд томьёо таслалаар бичигдэх үү эсвэл цэг таслалаар бичигдэх үү гэдэг нь тодорхой болно. Танд амжилт хүсье.

Зар сурталчилгаа

Бусадтай хуваалцах

Холбоотой нийтлэлүүд

Posted in: Excel зөвлөмж

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Ерөнхийлөгчийн сонгууль-2013

      За та бүхэнд Ерөнхийлөгчийн сонгуулийн амралтын өдрийн мэндийг дэвшүүлье. Ерөнхийлөгчийн сонгууль болж байгаа учраас бүх нийтээрээ амарч байна. Миний хувьд энэ амралтын өдрийг тохиолдуулаад, мөн Ерөнхийлөгчийн сонгуультай холбогдуулаад нэгэн нийтлэл бичье гэж бодлоо. Энэ бол сонгуулийн Ексэлжүүлсэн системийн талаарх нийтлэл юм. 🙂 🙂 :-). Энэ системийг манай Excelmetrics.org-ийн зүгээс боловсруулсан болохоор Сонгуулийн Екселжүүлсэн систем гэж нэрлэсэн юм.

    • HYPERLINK Функц

      Зиак урт удаан хугацаанд уулзсангүй. Залуучууд сар шинэ дээ сайхан шинэлэв үү. Бас амралтын өдрүүдийг ая тухатай өнгөрөөж байна уу. Нийтлэл бичсэнгүй нилээд удаан хугацаа өнгөрчээ. Хамгийн сүүлд 2014.01.12-нд "Өгөгдсөн мэдээллийн байршил тодорхойлох" гэсэн нийтлэл бичсэн байна. Миний хувьд өнгөрсөн 1-р сард нэлээд ажлын ачаалал ихтэй өнгөрлөө. Учир нь гэвэл ажил дээр шалгалт шүүлэг орчихоод элдэв янзын тайлан мэдээлэл гарах ажилд дарагдлаа. Ядаж байхад цагаан сарын бэлтгэл ажил давхардаад

    • Excel программ дээр BULLET хийх аргачлал

      За та бүхэнд энэ өдрийн мэндийг хүргье. Өнөөдөр жоохон бичиг хачиг төлөвлөж, ийш тийш нь явуулах гээд ажил ихтэй байлаа. Ер нь албан бичиг боловсруулна гэдэг бол маш хэцүү ажил гэж би хувьдаа боддог. Албан бичгийн соёл нь нэг талаас аливаа байгууллагыг үнэлж, дүгнэх анхны шалгуур болдог бол нөгөө талаас албан бичиг нь үг үсгийн алдаа ихтэй, найруулга зүй алдагдсан байх нь өөрийн ажиллаж буй байгууллага, компани доромжилсон эсвэл бичиг хүргүүлж буй компаниа үл хүндэтгэсэн байгааг илэрхийлдэг.

  • Like дараад байгаарай найзуудаа

    Excel.mn

shares