Сонгогдсон мэдээлэл BOLD форматтай эсэхийг тодорхойлох

2 сар 03, 2015   EXCEL.mn   No comments

Зиак оройн мэнд Exceler-үүд. Ажил төрөл ихтэй байгаа болохоор нийтлэлээ бичиж амжидаггүйээ. Өнөөдөр жоохон зав гарсных гялс манас нэг богинохон нийтлэл бичье. Та бүхэн BOLD гэж мэднэ биз дээ. Энэ бол тодорхой текст, тэмдэгтийг тодоруулж, бүдүүрүүлж харагдуулдаг форматын нэр. Үүний талаар ч бараг хүн бүр мэднэ дээ. Жишээ болгож би нэг өгүүлбэрийг BOLD форматаар бичье. "Цагаан сар удахгүй болох гэж байна." Энэ өгүүлбэр BOLD форматаар бичигдсэн байна. Тэгэхээр та бүхэн BOLD форматаар бичигдсэн текстийг шууд хараад мэдэж байна. Тэгвэл Excel дээр сонгогдсон текст BOLD форматаар бичигдсэн эсэхийг яаж мэдэх бэ? Мэдээж энэ асуудлыг Excel программын стандарт функцийг ашиглах замаар шийдэж чадахгүй. Учир нь энэ асуудлыг шийдсэн функц Excel программд байдаггүй.

Тэгвэл бид энэ асуудлыг VBA код бичих замаар нэмэлт функц үүсгэж хялбархаан шийдэж чадна. Хэрхэн яаж гэдэг талаар одоо тайлбарлая. Бидэнд дараах зурагт үзүүлсэн мэдээлэл өгөгдсөн байна.

Bold_1

Дээрх мэдээллийн хувьд A2, A6, A7 нүднүүдийн мэдээлэл BOLD форматаар бичигдсэн байна. Текстийг BOLD форматаар бичигдсэн эсэхийг тодорхойлдог функц Excel программ дээр байхгүй учраас бид VBA код бичнэ.

  • Excel программын Visual Basic Editor-ийг нээж, шинээр Module үүсгэнэ.
  • Тус Module дээр дараах VBA кодыг бичиж оруулна.

[php]Function BoldFont(CellRef As Range)
BoldFont = CellRef.Font.Bold
End Function[/php]

Дээрх VBA код нь BoldFont гэсэн функц юм. Бид энэ функцийг:

=BoldFont(текст эсвэл Excel программын нүд зааж өгнө)

гэж ашиглана.

Bold_2

  • Excel программ руу шилжинэ. Ингээд BOLD форматыг шалгах VBA функц бэлэн болно.

Одоо BoldFont функцийг хэрхэн ашиглах талаар дараах зурагнаас үзээрэй.

Bold_3

BoldFont функцэд BOLD форматттай текст сонгогдсон бол TRUE гэсэн үр дүн гарч байна. Эсрэгээрээр FALSE гэсэн үр дүн гарч байна. Ингээд BOLD форматаар бичигдсэн текстийг Excel дээр хялбархан мэдэж болох нь. Та бүхэн туршаад үзээрэй. Амжилт хүсье. Удахгүй шинэ нийтлэлтэйгээр эргэн уулзая.

Холбоотой нийтлэлүүд

Бусадтай хуваалцах

Зар сурталчилгаа

Posted in: Excel VBA

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Семинарт хүрэлцэн ирэхийг урьж байна

      Зиак оройн мэнд залуучууд. Ажил төрлүүд нь бүгд сайн л биз дээ. Миний хувьд тайлан тооцоо дуусаад санаа амар сууж байна. Яаж ийж байгаад л тайлан өгөх цагийг нь тулгачих юм даа би. Гэхдээ энэ жилийн хувьд тайлан өгөх хугацааг тулгасан шалтгаан нь нэг талаас ажил дээрх хяналт, шалгалтын сунжралт, нөгөө талаас цагаан сарын баяр ёслол байлаа. За тэгээд мэргэжил нэгт нөхөд маань ч мөн адил их ажлын ард гарсан байх гэж бодож байна. Тайлан гаргах энэ хугацаанд надаас хүмүүс нэг зүйлийг нэлээдгүй

    • Доллар ($) Like F4

      Бид өмнөх нэгэн бичлэгт MS Excel программд доллар $ тэмдэглэгээг хэрхэн ашиглах талаар авч үзсэн билээ. Одоо $ тэмдэглэгээний хэрэглээг хэрхэн хялбаршуулах талаар бяцхан зөвлөмжийг оруулахаар шийдлээ. Бид аливаа томьёонд $ тэмдэглэгээг оруулахын тулд нэгдүгээрт үсгийн фонт Англи хэл дээр байх ёстой. Хоёрдугаарт Shift товчийг ашиглах шаардлагатай. Өөрөөр хэлбэр Shift товч, keyboard-н 4 товчийн хослолоор $ тэмдэглэгээг гаргаж ирдэг. Тэгвэл одоо заавал дээрх үйлдлүүдийг хийхгүйгээр

    • Зебра, зебра, зебра [1-3]

      Зебра, зебра, зебра. Та бүхэн зебра гэж юу болох талаар мэдэж байгаа байх. Энэ бол алаг тахи юм. Миний хувьд алаг тахийг яг амьдаар нь хараагүй ч энд тэнд зургийг нь бол хангалттай их харсан. Ерөнхийд нь дүрсэлбэл хар, цагаан өнгө ээлжилсэн (туузан өнгө) арьстай, манай морьтой төстэй амьтан байдаг. Алаг тахиний зургийг дараах зургаас харж болно. Тэгвэл иймэрхүү хар цагаан алагласан өнгөтэй (заавал хар цагаан байх албагүй) аливаа юмс үзэгдлийг гадна дотныхон гол төлөв зебра гэж нэрлэдэг.

  • Like дараад байгаарай найзуудаа

    Excel.mn