Олон sheet-нээс мэдээлэл татаж авах томъёолол

4 сар 23, 2020   EXCEL.mn   No comments

Өглөөний мэнд залуучууд. Та бүхэн сайхан амарсан уу? Өнөөдөрөөс жоохон дулаарах шинжтэй. Сүүлийн хэдэн өдөр хөлдөөж алах шахлаа. Аргагүй л хавар цаг юм даа. Нэлээдгүй хугацаанд үргэлжилсэн Cost-XL загварын маань шинэчлэл дууссан. Удахгүй та бүхэндээ загварынхаа ажиллагааны талаар мэдээлэл өгөх болно. Одоогийн байдлаар загвартай холбоотой ганц нэгэн видео хичээлүүд бэлтгээд сууж байна. Зика өнөөдрийнхөө хичээлээр EXEL.mn групп дээр асуусан нэгэн асуултын хариуг нийтлэл болгон оруулахаар шийдлээ. Ингээд гол асуудалдаа орцгооё.

Зар сурталчилгаа

Үүссэн асуудал:

Үүссэн асуудал EXCEL.mn группын постноос эхлэлтэй. Группын гишүүн маань дараах асуултыг асуусан юм.

Дээрх асуултыг асуудлыг хялбаршуулан ойлгоё. Үүний тулд бидэнд A, B, C, ALL гэсэн нэртэй 4 ширхэг sheet бүхий Excel файл өгөгдсөн байна. Энэ Excel файлын A, B, C гэсэн sheet-ний A багананд байгаа мэдээллүүдийг ALL sheet-нд харуулах явдал юм. Асуудлыг ерөнхийд нь зураглаж харуулбал:

Үүссэн асуудал ойлгомжтой болсон байх. Тэгвэл одоо асуудлыг хэрхэн шийдэх тухай судлая.

Асуудлыг шийдвэрлэсэн нь:

Бид энэ асуудлыг олон аргаар шийдэж чадна. VBA ашигласан ч болно. Томъёо ашигласан ч болно. Data хэрэгсэлүүд ч ашигласан болно байх гэж бодож байна. Гэхдээ хамгийн энгийн арга буюу томъёо ашиглаж асуудлыг хэрхэн шийдэх тухай та бүхэндээ танилцуулая.

Бид одоо энэ асуудлыг шийдэхэд INDIRECT функц ашиглана. Үүний тулд мэдээлэл авах sheet-ний нэрсийг ALL sheet-ний A1:C1 мужид гараар бичиж оруулна.

Тус sheet-ний A2 нүдэнд дараах томъёоллыг бичиж оруулна.

=INDIRECT(""&A$1&"!A"&ROW()-1)

Тус томъёоны үр дүн 1 гэж гарна. Ингээд A2 нүдэнд бичсэн томъёог A2:C4 мужид Copy/Paste хийж бусад нүдний үр дүнг гаргана. Үр дүнг дээрх зурагнаас харж болно.

Томъёоны тайлбар:

INDIRECT функцээр зохиомол муж үүсгэдэг. Жишээлбэл A2 нүдэнд бичсэн:

=INDIRECT(""&A$1&"!A"&ROW()-1)

томъёо нь =A!A1 томъёотой яг адилхан үр дүнг илэрхийлэх хувьсах бүтэцтэй томъёол юм. Тодруулбал sheet-ний нэр болон мөрийн дугаар өөрчлөгдөх боломжтой зохиомол томъёол юм.

Зиак ингээд бидний асуудал шийдэгдлээ. Та бүхэн туршаад үзээрэй. Энэ асуудлыг INDIRECT функцээс өөр ямар функц ашиглан шийдэх боломжтой талаар мэдээлэл байвал та бүхэн бидэнтэй хуваалцаарай. АМЖИЛТ ХҮСЬЕ.

Бусадтай хуваалцах

Зар сурталчилгаа

Холбоотой нийтлэлүүд

Posted in: Excel зөвлөмж, Excel функц

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Өгөгдсөн листны хамгийн сүүлийн утгыг тодорхойлох

      Зиак эрхэм Exceler-үүдэд амралтын өдрийн мэндийг хүргье. Ойрд ажил төрөл ихтэй байсан болоод нийтлэл бичих завгүй өдөр хоногуудыг өнгөрөөлөө. Та бүхний ажил төрлүүд бүгд сайн байгаа гэдэгт итгэлтэй байна. За тэгээд нягтлан найзууд маань тайлан тооцоогоо амжиллтай өгч дуусгасан гэдэгт бас итгэлтэй байна. Өнөөдөр миний хувьд өөрт тулгарсан нэгэн асуудлыг хэрхэн шийдсэн тухай нийтлэл бичихээр шийдвэрлэлээ. Энэ бол өгөгдсөн листний хамгийн сүүлийн утгыг хэрхэн тодорхойлсон тухайн нийтлэл юм.

    • Семинарт хүрэлцэн ирэх хувийн бэлтгэл

      За та бүхэндээ энэ өдрийн мэндийг хүргье. Ойрд семинарын гарын авлага бэлтгэх гэж нэлээдгүй ажиллаа. Ерөнхийдөө гарын авлага бэлэн болсон. Гарын авлагыг A4-ийн цаасан дээр хэвэлсэн болно. Семинар зохион байгуулагдах сургалтын заал маань нийт 25-30 хүн хүлээн авах хүчин чадалтай. Иймээс семинарт оролцогчдын тоог 25-30 хүн байхаар хязгаарласан. Хэрэв энэ 7 хоногийн семинарт анги танхимын багтаамж, хувийн болоод албаны ажлаас шалтгаалж оролцож чадаагүй хүмүүстэй ирэх 7 хоногт

    • Муж, нүд сонгох техник (Семинарын бэлтгэл)

      Сайн байцгаануу. Та бүхэнд энэ өдрийн мэндийг хүргье. Семинарын гарын авлага бэлтгэх гээд ойрд жоохон завгүй байлаа. Семинарт ашиглагдах үндсэн видео техникүүд бэлэн болсон. Одоо цаасаар хэвлэгдэх техникийн зөвлөмжүүдийг бичиж байна. Үүүнийг бичиж байх явцад нэгэн техникийг та бүхэн урьтач сурсан байх шаардлагатай гэж бодлоо. Энэ бол Excel программд муж, нүд сонгох техник юм. Мэдээж та бүхэн хулгана ашиглаж Excel программ дээр муж, нүдийг сонгож чадна. Харин компьютерийн гар дээрээс сонгож

  • Like дараад байгаарай найзуудаа

    Excel.mn

shares