Зиак амралтын өдрийн мэнд хүргэе. Та бүхэн сайхан амарч байна уу. Ойрд EXCEL Expert онлайн сургалтынхаа хичээлийг оруулаад зав зай жоохон тааруухан байлаа. Өнөөдөр амралтын өдөр учраас та бүхэндээ мэдээллийн сантай ажиллах нэгэн нийтлэлийг оруулахаар шийдлээ. Энэ бол олон Sheet-нд байгаа мэдээллийн санг нэг Sheet-нд хэрхэн нэгтэх тухай нийтлэл юм. Энэ асуудлыг бид томъёо ашиглах замарч шийдэх боломжтой. Мөн макро ашиглах замаар ч шийдэж чадна. Гэхдээ энэ удаад бид Query ашиглах замаар мэдээллийг боловсруулах болно. Хэрхэн яаж бэ гэдгийг одоо судалцагаая.

Зар сурталчилгаа

Үүссэн асуудал:

Бидэнд дараах зурагт үзүүлсэн борлуулалтын мэдээлэл өгөгдсөн байна. Эдгээр мэдээллүүд Sheet1, Sheet2, Sheet3, Sheet4-үүдэд агуулагдаж байгаа болно.

Бидний гол зорилго бол шинээр Sheet5 гэсэн хуудсыг нээж, тус хуудсанд Sheet1-ээс Sheet4-т агуулагдаж байгаа мэдээллийг нэгтгэж оруулах явдал юм. Өөрөөр хэлбэл дараах зурагт үзүүлсэн хэлбэрт оруулна.

Энэ асуудлыг бид Excel 2013, 2016 хувилбар дээр шийдвэрлэж чадна. Мөн томъёо ашиглаад ч шийдвэрлэж чадна. Гэхдээ томъёо ашигласан нөхцөлд Calculation нэлээдгүй хийгдэх учраас таны Excel программ удааширч магадгүй юм. Зиак ингээд асуудлыг хэрхэн шийдвэрлэх талаар одоо авч үзье.

Асуудлыг шийдвэрлэсэн нь:

Бид энэ асуудлыг Excel программ дахь Data цэсний Query коммандыг ашиглах замаар асуудлыг шийдвэрлэж чадна. Иймээс та бүхэн дараах зааварчилгааны дагуу мэдээлэлд боловсруулалт хийгээрэй.

Юуны өмнө Sheet1-ийн мэдээллээр Table-тэй холбогдсон шинэ Query үүсгэнэ. Үүний тулд A1:B12 мужийг сонгож, Data цэснээс From Table коммандыг өгнө. Тус коммандын үр дүнд дараах зурагт үзүүлсэн Create Table цонх нээгдэх болно.

Шинээр үүссэн Create Table цонхноос OK коммандыг өгөхөд Power Query Editor цонх нээгдэнэ. Манай жишээний хувьд Table4 гэсэн нэртэй Query үүсч байна. Үр дүнг дараах зурагт үзүүлэв.

Үүний дараагаар шууд Power Query Editor цонхны зүүн дээд хэсэгт байрлах Close & Load коммандын доош заасан сум дээр дарж, Close & Load To … коммандыг өгнө. Та бүхэн энэ талаар дээрх зурагнаас харж болно. Мөн тус коммандын нөлөөгөөр Load To цонх нээгдэх болно.

Ингээд шинээр үүссэн Load To цонхноос Only Create Connection гэсэн сонголтыг хийж, Load коммандыг өгнө. Энэ талаар дараах зурагт үзүүлэв.

Үүний үр дүнд Sheet1-ийн мэдээлэл ашигласан Table4 нэртэй query үүсэх болно. Үүссэн query-г дараах зурагт үзүүлэв.

Гэх мэтчилэнгээр дээрх зааварчилгааны дагуу Sheet2, Sheet3, Sheet4-ийн мэдээллүүдээр Query үүсгэнэ. Нийт 4 Query үүсэх ёстой. Үүссэн 4 Query-г дараах зурагт үзүүлэв.

Одоо Table4, Table5, Table6, Table7 гэсэн query-г нэгтгэх үйлдлийг хийж гүйцэтгэе. Үүний тулд дурын нэг Sheet дээр курсорыг байршуулж, Data цэснээс New Query ⇒ Combine Queries ⇒ Append гэсэн коммандуудыг өгнө. Энэ талаар дараах зурагт үзүүлэв.

Эдгээр коммандын үр дүнд Append гэсэн цонх үүсэх ба тус цонхноос Three or more tables сонголтыг хийж,  Table-үүдийг Tables to append талбарт оруулна.

Ингээд OK коммандыг өгөхөд Append1 – Power Query Editor цонх нээгдэнэ. Тус цонхноос мөн л Close & Load коммандыг өгөхөд шинээр Sheet үүсч, тус Sheet-нд Sheet1, Sheet2, Sheet3, Sheet4-ийн мэдээллүүд нэгтгэгдсэн байх болно.

Close & Load коммандын үр дүн буюу бидний хүссэн үр дүн:

Ингээд л бидний хүссэн үр дүн бэлэн боллоо. Одоо та энэ query-г ашиглах л үлдлээ. Та бүхэн туршаад үзээрэй. Амжилт хүсье.

Бусадтай хуваалцах

Зар сурталчилгаа