Огноо ба цагийн мэдээллийг нэгтгэх техник

Зиак урт удаан хугацаанд уулзсангүй. Та бүхэн сайхан зусаж, сайхан амарцагааж байна уу. Вирус энээ тэрээ гээд хил гааль хаасан, гадаад ертөнцөөр аялах зугаалах боломжгүй болсоныг ч хэлэхүү Монгол орныхоо өнцөг булан бүрт зуны 3 сартай уралдаж манайхан зогсоо зайгүй зугаалж, амарцгааж байх шиг байна. Миний хувьд ерөнхийдөө хотдоо л зуныг өнгөрөөж байх шиг байна. Зиак энэ ч яахав гол асуудалдаа орцгооё. Өнөөдрийнхөө нийтлэлээр та бүхэнд Excel Data Entry загварчлалд өргөн ашигладаг огноо ба цаг хугацаатай холбоотой нэгэн техникийн талаар танилцуулахаар шийдлээ.

Та бүхэн NOW функцийн талаар мэднэ байх. Ашиглахад ч амархан функц л дээ. Тодруулбал Excel программын дурын нэг нүдэнд =NOW() гэж бичээд Enter товчийг дарахад яг одоогийн байдлаарх он, сар, өдөр, цаг, минут, секунд гэсэн мэдээлэл гаргдаг. Жишээлбэл би A1 нүдэнд =NOW() гэж бичээд Enter коммандыг өгөе. Тэгээд үр дүнг сонирхоё. Үр дүнг дараах зурагт үзүүлэв.

Тэгвэл Excel программ дээр миний хүссэн өдрөөр яг одоогийн цаг минут секундтэй мэдээллийг шууд гаргах функц байдаггүй. Өөрөөр хэлбэл би A1 нүдэнд 7/25/2020 гэсэн огноо оруулахад тус нүдний мэдээлэл шууд 7/25/2020 18:42 гэсэн цаг минуттайгаа гардаггүй. Энэ асуудлыг хэрхэн яаж шийдэх бэ? Яахав VBA ашиглавал асуудлыг хялбархан шийдэж чадна л даа. Гэхдээ энэ нийтлэлийн хүрээнд Excel функцээр хэрхэн шийдэх тухай ярьж байгаа болно. Зиак ингээд асуудлыг шийдэцгээе. Маш амархан.


Асуудлыг шийдвэрлэсэн нь

Мэдээж бид A1 нүдэнд дээр огноо бичээд A1 нүдэн дээрээ үр дүнгээ гаргах боломжгүй. Иймээс A1 нүдэнд огноо бичээд B1 нүдэнд үр дүнгээ гаргаж авна. Тийм учраас М1 нүдэнд дараах томъёог бичнэ.

=A1+TIME(HOUR(NOW()),MINUTE(NOW()),SECOND(NOW()))

Одоо A1 нүдэнд дурын нэг огноог бичиж оруулахад B1 нүдэнд тухайн огноо нь яг одоогийн цаг минутын хамт гарах болно. Та бүхэн туршаад үзээрэй. Энд TIME, HOUR, MINUTE, SECOND, NOW функцүүдийг ашигласан болно. Та бүхэн эдгээр функцүүдийн талаар илүү хийх судлахыг хүсвэл манай сайтаас эрхлэн гаргасан ФУНКЦ-XL номны 153-аас 159-р хуудасыг уншаарай.

Дээрх томъёоны хувьд NOW функцээр гарсан үр дүнгээс HOUR функцээр цагийн мэдээллийг, MINUTE функцээр минутын мэдээллийг, SECOND функцээр секундын мэдээллийг тус тус ялган авч, гарсан үр дүнг TIME функцээр цаг хугацааны форматанд оруулах замаар A1 нүдэнд бичсэн огнооын мэдээлэл дээр нэмэх үйлдлийг хийж байна. Ингээд л асуудал шийдэгдлээ амархан байгаа биз. Одоо A1 нүдэнд 6/20/2020 гэсэн огноог оруулж үр дүнг сонирхоё.

Бусадтай хуваалцах

Зар сурталчилгаа

One Response to Огноо ба цагийн мэдээллийг нэгтгэх техник

  1. Нэргүй хэлдэг:

    Баярлалаа. Энэ функц ихэвчлэн ямар тохиолдолд ашиглагддаг вэ?

Хариулт үлдээх

Таны и-мэйл хаягийг нийтлэхгүй.

shares