Нөхцөлт дундаж утгыг тодорхойлох нь

12 сар 15, 2018   EXCEL.mn   5 Comments

Оройн мэнд залуусаа. Та бүхэнд амралтын өдрийн мэнд хүргэе. Өнөөдрийнхөө нийтлэлээр нэгэн уншигчийнхаа асуултанд хариулт өгөхөөр шийдлээ. Энэ бол нөхцөлт дундаж утгыг хэрхэн яаж олох тухай асуулт юм. Нөхцөлт дундаж утга гэхээр та бүхэнд шууд л AVERAGEIF функц санаанд орж байгаа байх. Миний хувьд ч гэсэн энэ функцийг хамгийн анх санал болгосон боловч, өгөгдсөн мэдээлэлд тохироогүй улмаас тус функцийг ашиглах боломжгүй болсон. За ингээд тулгарсан асуудалтайгаа эхлээд танилцая.

Зар сурталчилгаа

Үүссэн асуудал:

Манай сайтын нэгэн уншигчид маань дараах асуудал тулгарчээ.

Миний ойлгосноор бол дараах зурагт үзүүлсэн GE утганд харгалзах шар өнгөөр будсан тоонуудын дундаж утгыг тодорхойлох.

Хэрэв миний ойлголт зөв бол бид энэ асуудлыг шууд AVERAGEIF томъёогоор шийдэж чадахгүй. Учир нь AVERAGEIF функцын аргументууды бүгд нэг чиглэлд байх ёстой. Иймээс бид энэ асуудлыг арай өөр аргаар шийдэх ёстой.

Асуудлыг шийдвэрлэсэн нь

Зар сурталчилгаа

Бид энэхүү асуудлыг энгийн AVERAGE функцийн тусламжтайгаар шийдэж чадна. Гэхдээ зарим нэг тооцооллыг урьдчлан хийх ёстой. Иймээс  юуны өмнө бид GE утга агуулсан нүдний мөрийн дугаарыг тодохойлох ёстой. Үүнийг бид IF функцийн тусламжтайгаар A6 нүдэнд дараах байдлаар томъёолно.

=IF(A1:A4="ge",ROW(A1:A4),"")

Тус томъёоны үр дүн хоосон гарах боловч тухайн томъёо Array хэлбэрийн томъёо учраас тухайн нүдэнд дараах мэдээлэл агуулагдана.

={"";2;"";4}

Өөрөөр хэлбэл 2 болон 4 дүгээр мөрөнд ge гэсэн утга агуулагдаж байгааг илэрхийлж байна. Дараагийн алхамд бид IF болон ROW функцийн тусламжтайгаар 2 болон 4 дүгээр мөрөнд агуулагдаж буй тоон утгуудыг B1:E4 мужид агуулагдах тоон мэдээллээс ялгаж авна. Энэ асуудлыг бид дараах томъёоллоор шийднэ. Өмнө нь бичсэн томъёонд өргөтгөл хийсэн болно.

=IF(A1:A4="ge",IF(ROW(B1:E4)=ROW(A1:A4),B1:E4,""),"")

Тус томъёоны үр дүн хоосон гарах боловч тухайн томъёо Array хэлбэрийн томъёо учраас тухайн нүдэнд дараах мэдээлэл агуулагдана.

={"","","","";7,8,9,2;"","","","";15,16,17,18}

нэгэнт бид ge утганд харгалзах тоон утгуудыг тодорхойлж чадсан учраас өмнөх томъёоллыг AVERAGE функцээр өргөтгөж, нөхцөлт дундаж утгыг тодорхойлно.

=AVERAGE(IF(A1:A4="ge",IF(ROW(B1:E4)=ROW(A1:A4),B1:E4,""),""))

Дээрх томъёоны үр дүн 11.5 гэж гарсан байна. Ингээд л бидний асуудал шийдэгдлээ. Та бүхэн туршаад үзээрэй. Амжилт хүсье.

Зар сурталчилгаа

Бусадтай хуваалцах

Холбоотой нийтлэлүүд

Posted in: Excel функц   Tags: , ,

5 Responses to Нөхцөлт дундаж утгыг тодорхойлох нь

  1. гэндээ хэлдэг:
    2018.12.17 1:14 am орчим

    #VOLUE!алдаа заагаад байна. яг л энэ загвараар туршиж үзлээ томъёог нь бижиж бас copy, past хийж болдоггүй

    Хариулах
  2. dfds хэлдэг:
    2018.12.17 1:32 am орчим

    dfsd

    Хариулах
  3. Gendee хэлдэг:
    2018.12.17 3:33 am орчим

    Aldaa zaagaad boldoggui e

    Хариулах

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Мянгачлах техник

      Зиак залуучууд цастай, бороотой, зунтай, өвөлтэй өдрийн мэндийг хүргэе. Өчигдрөөс эхэлж манай нэг сайтын уншигч маань сонгогдсон тоон мэдээлийг хэрхэн 1000-д хувааж, мянгачлах талаар асуусан. Иймээс өнөөдрийнхөө нийтлэлээр тус асуултын хариултыг өгөе. Өмнө нь миний бие яг энэ асуудлыг биш ч гэсэн үүнтэй адил зарчмаар шийдэгдэх нийтлэлийг бичиж байсан билээ. Та бүхэн тэдгээр нийтлэлийн талаар сонирхож байвал Paste Special гэсэн түлхүүр үгээр манай сайтаас хайж үзээрэй.

    • Нүдний хязгаарлалт [1-2]

      Зиаа ….. та бүхэнд энэ өдрийн мэндийг хүргье. Ойрд ч мэдээ оруулсангүй нилээд удлаа. Энэ хугацаанд нэгэн зочины захиалсан программыг бичээд жоохон завгүй л байлаа. Программ гэхээр сүрхий том программ биш юм шүү. Ер нь тэгээд Excel программ дээр загварчилсан тооцоолуурыг программ гэж хэлэх нь зөв ч юм уу буруу ч юм уу ёстой бүү мэд. Би өөрөө л программ гээд хэлээд байгаа юм. Гэхдээ л бидний бичсэн тооцоолуурууд хэр барагын программаас дутахгүй шүү. За энэ ч яахав өнөөдрийнхөө нийтлэлийг бичие.

    • Би хэдэн нас, хэдэн сар, хэдэн өдөртэй бэ?

      Зиак зэвсэг нэгт ахан дүүс маань өнөөдөр тайлан мэдээгээ өгч дуусч байгаа байх. Яагаад гэвэл өнөөдөр тайлан хүлээж авах сүүлийн өдөр. Миний хувьд өчигдөр бүх тайлангаа өгчихсөн болохоор өнөдөөр гайгүй завтай байна. Санхүүгийн тайланг жилд 2 удаа авдаг болсон нь зөв шийдэл болсон шүү. Гэхдээ ажилаа овооруулчих гээд байх муу талтай юм. Энэ яахав тухайн нягтлангийн л асуудал. Ажил гүйлгээгээ цаг тухай бүр нь шивээд явахад тайлан гаргах процесс юухан байхав. Зиак энэ ч яахав. Өнөөдрийнхөө нийтлэлийг эхэлцгээе.

  • Like дараад байгаарай найзуудаа

    Excel.mn

shares