Мянгачлах техник

5 сар 15, 2019   EXCEL.mn   No comments

Зиак залуучууд цастай, бороотой, зунтай, өвөлтэй өдрийн мэндийг хүргэе. Өчигдрөөс эхэлж манай нэг сайтын уншигч маань сонгогдсон тоон мэдээлийг хэрхэн 1000-д хувааж, мянгачлах талаар асуусан. Иймээс өнөөдрийнхөө нийтлэлээр тус асуултын хариултыг өгөе. Өмнө нь миний бие яг энэ асуудлыг биш ч гэсэн үүнтэй адил зарчмаар шийдэгдэх нийтлэлийг бичиж байсан билээ. Та бүхэн тэдгээр нийтлэлийн талаар сонирхож байвал Paste Special гэсэн түлхүүр үгээр манай сайтаас хайж үзээрэй. Сонирхолтой нэгэн кейсийг шийдсэн байгаа шүү. Зиак ингээд гол асуудалдаа орцгооё.

Зар сурталчилгаа

Үүссэн асуудал:

Бидэнд дараах зурагт үзүүлсэн мэдээлэл өгөгдсөн байна.

Энэхүү мэдээллээс тоон мэдээлэл агуулсан хэсгийг мянгачлах шаардлагатай болжээ. Өөрөөр хэлбэл бүх тоон мэдээллийг 1000-д хуваах шаардлагатай болсон. Үр дүнг дараах зурагт үзүүлэв.

Энэ асуудлыг хэрхэн шийдэх талаар одоо судалцгаая.

Асуудлыг шийдвэрлэсэн нь:

Юуны өмнө өгөгдсөн мэдээллийн доод хэсэгт буюу F13 нүдэнд 1000 гэсэн тоог оруулая. Учир нь бид тоон мэдээллийг 1000-д хуваах гэж байна. Хэрэв 1,000,000-д хуваах буюу саячлах шаардлагатай болсон бол F13 нүдэнд 1,000,000 гэж оруулна.

Зар сурталчилгаа

Үүний дараагаар F13 нүдний утгыг Copy (Ctrl+C) коммандыг өгнө. Ингээд өгөгдсөн мэдээллээс тоон мэдээлэл агуулсан мужийг сонгож, сонгогдсон мэдээлэл дээр хулганын баруун товчийг дарна. Энэ талаар дараах зурагт үзүүлэв.

Хулганын баруун товчийг дарснаар нэмэлт цэс үүсэх ба тус цэснээс Paste Special… коммандыг өгнө. Энэ талаар та бүхэн дээрх зурагнаас харж болно. Paste Special… коммандыг өгснөөр Paste Special цонх нээгдэх ба тус цонхноос Value, Divide гэсэн хоёр сонголтыг хийж OK коммандыг өгнө.

Ингээд OK коммандыг өгөхөд сонгогдсон мужид агуулагдах бүх тоон мэдээллүүд 1000-д хуваагдах болно. Үр дүнг дараах зурагт үзүүлэв.

Ингээд л бидний асуудал шийдэгдлээ дээ. Ийм л амархан байлаа. Та бүхэн туршаад үзээрэй. Танд энэ асуудлыг шийдвэрлэх илүү хялбархан арга байвал СЭТГЭГДЭЛ хэсэгт бичиж үлдээгээрэй.  Танд АМЖИЛТ ХҮСЬЕ.

Зар сурталчилгаа

Бусадтай хуваалцах

Холбоотой нийтлэлүүд

Posted in: Excel зөвлөмж

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Auto Correction ашиглах нь

      Зиак амралтын өдрийн мэндийг хүргье. Та бүхэн өмнө нь Excel программ дээр Auto Correction гэж сонсож байсан уу. Мэдээж зарим нэг нь сонсож л байсан байх. Гэхдээ төдийлөн хэрэглэж үзээгүй байх. Яахав зарим нэг тохиолдолд сонирхож нэг ашиглаж байсан байж магадгүй юм. Миний хувьд ч мөн адил. Нэг их хэрэглээд байдаггүй. Тэгвэл яагаад өнөөдөр Auto Correction-ийг сонирхох болсон тухайгаа товч танилцуулъя. Нэлээд дээр надаас нэг уншигч маань нэг асуулт асууж байсан юм.

    • Санхүүгийн тайлан дахь EXCEL загварчлал семинар зохион байгуулах тухай (Шинэчилсэн хөтөлбөр) – 2016.01.23-24

      Зиак оройн мэнд залуусаа. Манай сайтаас зохион байгуулдаг "Санхүүгийн тайлан дахь Excel загварчлал" сэдвийн хүрээнд зохион байгуулагддаг семинар маань энэ сарын 23, 24-ны өдрүүдэд зохион байгуулагдахаар боллоо. Тус семинарт өмнө нь сууж амжаагүй, Excel программ сонирходог, судалдаг, хөгжүүлдэг Exceler-үүд та бүхэн хүрэлцэн ирэхийг урьж байна. Бидний зохион байгуулдаг энэхүү семинар нь хэдийгээр тодорхой нэг сэдвийн хүрээнд явагддаг ч тус Excel загварчлалд маш олон төрлийн Excel техникүүд ашиглагддаг.

    • Цэгүүдийн хоорондын зайг өгөгдсөн нөхцлийн дагуу шалгах нь

      Зиак оройн мэнд Exceler-үүдээ. Миний бие өнөөдрийнхөө нийтлэлээр манай сайтын уншигч нэгэн инженерт тулгарсан асуудлыг хэрхэн шийдвэрлэсэн тухай нийтлэл бичихээр шийдсэн юм. Энэхүү нийтлэл маань манай Exceler-үүдэд шууд агуулгаараа тийм ч ач холбогдолтой биш ч гэсэн тухайн асуудлыг хэрхэн шийдэж байгаа арга техникүүд нь та бүхэнд хэрэг болно гэдэгт итгэлтэй байна. Өнөөдрийн нийтлэлийн маань ерөнхий агуулга нь өгөгдсөн цэгүүдийн өөр хоорондын зайнд нөхцөл тавьж шалгах тухай нийтлэл юм. Зиак ингээд эхэлцгээе.

  • Like дараад байгаарай найзуудаа

    Excel.mn

shares