Их хэмжээний мужид томьёо хуулах техник

8 сар 01, 2015   EXCEL.mn   5 Comments

Бороотой өдөр байна. Нэг амархан боловч чухал техникийн талаар өнөөдөр танилцуулая. Copy/Paste үйлдлийг манай Excel хэрэглэгч нар бараг бүгдээрээ мэднэ. Энэ бол Excel программ дээр хамгийн их хэрэглэгддэг комманд. Хэдийгээр энэ коммандыг бүгд ашигладаг ч зарим тохиолдолд тийм ч оновчтой бусаар ашиглаж байгаа нь харагддаг. Өөрөөр хэлбэл их хэмжээний мэдээлэл дээр Copy/Paste үйлдлийг хийхдээ мэдээлэл хуулах мужийг идэвхжүүлэх, хулагана чирэх зэрэг үйлдлийг хийж, улмаар цаг хугацаа их алддаг.

Зар сурталчилгаа

Жишээлбэл Excel программын A1:A50,000 мужид =SUM(B1:E1) гэсэн томьёог оруулах шаардлагатай болсон гэж үзье. Энэ тохиолдолд курсороор дээрх томьёог чирэх замаар хуулна гэдэг тийм ч оновчтой бус шийдэл.

CP_1

Тэгэхээр Copy/Paste үйлдлийг хэрхэн хийх тухай шийдлийг одоо бичье.

  • А1 нүдэнд =SUM(B1:E1) гэсэн томьёогоо бичиж оруулна.
  • A1 нүдийг Copy (Ctrl+C) хийнэ.
  • Excel программын зүүн дээд буланд байрлах Name Box талбарт A1:A50000 гэж бичээд ENTER товчийг дарна.

CP_2

CP_3

  • Дахин ENTER товчийг дарахад A1 нүдний томьёо A1:A50000 мужид хуулагдсан байх болно.

CP_4

Зиак одоо та бүхэн туршаад үзээрэй. Амархан мөртлөө хэрэгтэй техник шүү. Одоо их хэмжээний мужид томьёо хуулахдаа чирч хуулах шаардлагагүй боллоо. Танд амжилт хүсье.

Зар сурталчилгаа

Бусадтай хуваалцах

Зар сурталчилгаа

Холбоотой нийтлэлүүд

Posted in: Excel зөвлөмж

5 Responses to Их хэмжээний мужид томьёо хуулах техник

  1. Odontungalag хэлдэг:
    2015.08.03 3:05 am орчим

    Sain baina uu,

    bi 2015.06.26nd maileer asuult asuusdan yumaa, ter maild hariu irdegguie, hariu ireh bolvuu?

    Хариулах
  2. Odontungalag хэлдэг:
    2015.08.03 5:56 am орчим

    Sain baina uu,

    bi 2015.06.26nd maileer asuult asuusan yumaa, ter maild hariu irdegguie, hariu ireh bolvuu?

    Хариулах
  3. Зочин хэлдэг:
    2019.01.30 11:15 am орчим

    Bayarlalaa

    Хариулах

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Семинарын бүртгэл дууссан

      Зиак EXCELER-үүд оройн мэнд хүргье. Өнөөдөр ажлын сүүлийн өдөр өнгөрлөө. Сүүлийн тэмээний ачаа хүнд гэдэг шиг өнөөдөр нэлээд ачаалалтай өдөр болж өнгөрлөө. Гэхдээ яахав ажил амжсан шүү. Маргааш семинартай өдөр. Семинарын сэдвийн хүрээнд сүүлийн семинар болоод ч тэр үү оролцох хүсэлтэй хүмүүс нэлээдгүй олон байлаа. Уул нь 25 хүнээр тасалбар болгосон ч хязгаараасаа хэтэрчихлээ. Манайхан ч цаг тулгахдаа ч гаргууд юм. Яг тулгаад л өнөөдөр бөөн бөөнөөр холбогдож, орох хүсэлтээ илэрхийллээ.

    • Зебра, зебра, зебра [3-3]

      Та бүхэнд амралтын өдрийн өглөөний мэндийг хүргье. Хэдийгээр амралтын өдөр боловч рефлексээрээ ёсоороо өглөө 8 цагт сэрчихлээ. Өнөөдөр миний бие гадуур нэлээд ажилтай. Гэхдээ албан бус. Хувийнхаа ажилуудыг амжуулах хэрэгтэй. Албан ажил гэж явсаар байгаад хувийн ажилуудаа овоолчихлоо. Гадуур шинэ жилийн уур амьсгал орж, албан байгууллагууд шинэ жилийн баяраа тэмдэглэж, хөл хөдөлгөөн ихтэй байх шиг байна. Миний хувьд арай л эхлээгүй байна. Гэхдээ ирэх долоо хоногоос эхэлнэ байх.

    • Нөхцөлт тооллого (Томьёоны шийдэл)

      Бороотой өдрийн мээнд. Оройтсон бороо ч уйдатал орж байна даа. Зуны гурван сар Excel-ээсээ холдсон чинь толгой тархи ажиллахгүй, гар хуруу эвлэхгүй нэг л эвгүй байх чинь ээ. Өнгөрсөн долоо хоногт нэгэн уншигч маань нөхцөлт тооллого хэрхэн хийх тухай асууж байсан юм. Тухайн үед COUNTIF функцээр шийдчих гээд өөртөө итгэлтэй шууд хариулаад байсан чинь би өөрөө тэр функцээр үүссэн асуудлаа шийдэж чаддагүй нэлээд юм боллоо. Анх сонсоход амархан юм шиг санагдаад байсан чинь яг тулаад томьёолох

  • Like дараад байгаарай найзуудаа

    Excel.mn

shares