Давхардалыг арилгагч буюу Remove Duplicates

10 сар 09, 2012   EXCEL.mn   2 Comments

Сайн байцгаануу эрхэм хүндэт нөхдөө. Та бүхэнд энэ өдрийн мэндийг хүргье. Манай сайтын зочид маань ойрын үед MS Excel программын Data цэсний талаар их асуух боллоо. Энэ нь ч аргагүй биз. Учир нь MS Excel программын Data цэсэнд маш чухал чухал функцүүд байдаг. Гэхдээ би Data цэсний зарим хэрэгслүүдийн талаар тийм ч сайн мэдлэгтэй биш. Гэхдээ яахав ойр зуур хэрэглэдэг хэрэгслүүдийнхээ талаар товчхон ч гэсэн оруулая гэж бодлоо. Ингээд энэ удаад MS Excel программын Data цэсний Data tools хэсэгт байрших Remove Duplicates хэмээх нэгэн хэрэгслийг та бүхэнд танилцуулая гэж бодлоо.

Зар сурталчилгаа

Remove Duplicates хэмээх хэрэгсэл MS Excel программын 2007, 2010, 20113 хувилбаруудад Data Ribbon-н Data tools хэсэгт байрладаг. Тус toolbar нь давхардан өгөгдсөн мэдээллийн давхардлыг арилгах үйлдлийг хийдэг.

Тус хэрэгслийг хэрхэн ашигладаг талаар жишээ дээр тайлбарлая. Бидэнд дараах зурагт үзүүлсэн 500 орчим машины дугаар өгөгдөжээ.

Дээрх мэдээнд нэг машины дугаар хэд хэдэн удаа давхардан орсон байгаа. Бидний гол зорилого бол давхардаагүй тоогоор нийт хичнээн машин байгааг тодорхойлох явдал юм. Үүнийг хялбархнаар тодорхойлохын тулд бид MS Excel программын Remove Duplicates хэрэгслийг ашиглана.

1. A1:B524 мужийг сонгоно.

Зар сурталчилгаа

2. Data Ribbon-н Data tools хэсгээс Remove Duplicates коммандыг өгч, Remove Duplicates цонхыг нээнэ. Тус цонхны Columns хэсэгт 1-р алхамд сонгогдсон мужийн A, B баганууд сонгогдсон байна. Энэ доорх зурагт үзүүлэв.

Бидний гол зорилго A баганын давхардлыг арилгах тул дээрх зурагт үзүүлсний дагуу Remove Duplicates цонхонд зөвхөн A баганыг идэвхжүүлнэ. B баганыг идэвхжүүлэхгүй. Ингээд OK коммандыг өгөхөд A багана дахь давхардсан утгууд B баганад харгалзах утгын хамт арилах болно. Үр дүнг дараах зурагт үзүүлэв.

Дээрх зургийг товч тайлбарлавал нийт 523 өгөгдлөөс 431 өгөгдөл нь давхардсан байсан ба давхардлыг арилгаад нийт 92 давхардаагүй утгыг гаргаж ирсэн гэсэн мэдээлэл юм.

Хэрэв бид А, B багануудыг зэрэг идэвхжүүлбэл 2 баганын яг ижилхэн утгуудыг устгана гэсэн үг юм. А, B багануудыг зэрэг идэвхжүүлэн Remove Duplicates коммандыг өгч үзье. Үүний үр дүнд дараах зураг гарна.

Дээрх зургийг товч тайлбарлавал нийт 523 өгөгдлөөс 306 өгөгдөл нь давхардсан байсан ба давхардлыг арилгаад нийт 217 давхардаагүй утгыг гаргаж ирсэн гэсэн мэдээлэл юм.

За тэгээд та бүгд өөрсдөө туршаад үзэхэд энэ хэрэгслийн талаар хялбархан ойлгох болно доо.

Зар сурталчилгаа

Бусадтай хуваалцах

Холбоотой нийтлэлүүд

Posted in: Excel зөвлөмж

2 Responses to Давхардалыг арилгагч буюу Remove Duplicates

  1. Зочин хэлдэг:
    2014.05.18 5:33 am орчим

    yag eniig l haigaad blaa thanks

    Хариулах
  2. Anar хэлдэг:
    2014.05.18 5:34 am орчим

    yag eniig l haigaad bsan yum bayarlalaa

    Хариулах

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • САНХҮҮГИЙН ТАЙЛАН ДАХЬ EXCEL ЗАГВАРЧЛАЛ

      За та бүхэндээ энэ өдрийн мэндийг хүргье. Өнөөдрийнхөө нийтлэлээр та бүхэнд "САНХҮҮГИЙН ТАЙЛАН ДАХЬ EXCEL ЗАГВАРЧЛАЛ" нэртэй семинарынхаа хүрээнд ерөнхий танилцуулагыг хийе гэж бодлоо. Бидний зохион байгуулах гэж буй семинар маань 2014 оны 3 дугаар сарын 1, 2-ны өдрүүдэд буюу ирэх хагас сайн өдөр, бүтэн сайн өдөр болох гэж байгаа талаар та бүхэн мэдээлэл авсан байх гэж бодож байна. Хэрэв та бүхэн энэ талаар мэдээлэл аваагүй байгаа бол "САНХҮҮГИЙН ТАЙЛАН ДАХЬ EXCEL ЗАГВАРЧЛАЛ"

    • Тэгш үү? сондгой юу?

      Бид өмнө нь өгөгдсөн тоог анхны тоо мөн үү биш үү гэдгийг хэрхэн шалгах тухай нийтлэлийг оруулж байсан билээ. Харин өнөөдрийн нийтлэлээр өгөгдсөн тоо тэгш тоо юу эсвэл сондгой тоо юу гэдгийг хэрхэн шалгах талаар авч үзэх болно. Мэдээж өгөгдсөн тоог тэгш, сондгой эсэхийг шууд нүдээр хараад хэлж болно. Харин MS Excel программаар өгөгдсөн тооны тэгш, сондгойг хэрхэн шалгадаг бэ гэсэн асуудал тодорхой бус байна. Үүнийг шалагадаг функц ч MS Excel программд байдаггүй юм байна.

    • Давхардал ба Checkbox

      Зиак залуучууд амралтын өдрийн мэнд хүргье. Өнөөдөр хувийн нэг чухал ажилтай болохоор эрт босч амалсан ёсоор FB-д асуусан асуултандаа хариулая гэж бодлоо. Одоо л амжуулахгүй бол нэг дэхь өдрийг хүлээх шаардлагатай болно. Аягүй бол нэг дэх өдөр албаны ажилаа амжуулж чадахгүй бас л худлаа болж магадгүй. Иймээс ямар ч байсан одоо бичиж дуусгая. Яг одоо өглөөний 7:00 цаг болж байна. Миний өглөө сэрдэг л цаг л даа. Гэхдээ амралтын өдөр 8 өнгөрөөгөөд сэрдэг юм. За ингээд гол асуудалдаа орцгооё.

  • Like дараад байгаарай найзуудаа

    Excel.mn

shares