Графикт шинэ мэдээлэл оруулах өөр нэгэн техник

4 сар 24, 2019   EXCEL.mn   No comments

Зиак залуучууд өглөөний мэнд. Өдөр урт болоо, өглөө эрт сэрдэг болчихлоо. Өвлийн цагт 8 цаг гээд л сэрдэг байсан бол одоо харин 7 цаг гээд л сэрчих юм. Уул нь энэ цаг хугацааг өвөл зуны хуваарьт шилжүүлж нааш, цааш нь хөдлөгдөг байх үе тун зүгээр байсан юм. Даан ч эрүүл мэндэд хортой гэдэг шалтгаанаар өвөл зуны хуваарь гэсэн цагийн механизмийг болиулсан. Зиак энэ ч яахав, гол ажилдаа орцгооё. Өнөөдрийнхөө нийтлэлээр та бүхэнд графикт шинэ мэдээлэл хэрхэн хялбар аргаар оруулах тухай авч үзэх болно.

Үүссэн асуудал:

Бидэнд дараах мэдээлэл өгөгдсөн байна. Тодруулбал нэгэн компанийн 1 болон 2-р улиралын орлого, зардал, ашгийн мэдээлэл A2:G5 мужид өгөгдсөн байна. Харин мэдээллийн доод хэсэгт байрлах графикт зөвхөн 1-р улиралын мэдээлэл орсон байгааг та бүхэн харж байна.

Бидний гол зорилго бол графикт ороогүй 2-р улирлаын мэдээллийг хялбар аргаар графикт оруулах явдал юм. Энэ асуудлыг хамгийн хялбар аргаар хэрхэн шийдвэрлэх тухай одоо авч үзье.

Асуудлыг шийдвэрлэсэн нь

Энэ бол маш амархан. Манай Excel хэрэглэгч нар энэ техникийн талаар тэр болгон мэддэггүй. Заавал графикыг идэвхжүүлж, сонгогдсон RANGE-ийг чирч, өргөтгөх замаар шинээр нэмэгдсэн мэдээллийг графикт оруулдаг. Энэхүү үйлдлийн талаар дараах зурагт үзүүлэв.

Хэдийгээр асуудлыг ингэж шийдэж болох боловч үүнээс хялбархан арга байна. Энэ бол Copy/Paste үйлдэл юм. Өөрөөр хэлбэл та шинээр нэмэгдсэн мэдээллийг COPY хийж, графикыг идэвхжүүлсний дараа PASTE коммандыг өгнө. Ингээд л шинээр нэмэгдсэн мэдээлэл графикт орж ирнэ. Энэ үйлдлийг дээрх жишээний хувьд тайлбарлая.

  1. E2:G5 мужийг сонгож, Copy коммандыг өгнө.
  2. Мэдээллийн доод хэсэгт байршиж буй график дээр курсороор нэг дарж, идэвхжүүлнэ.
  3. Ингээд л одоо PASTE коммандыг өгснөөр тухайн графикт шинээр нэмэгдсэн мэдээлэл орсон байх болно. Үр дүнг дараах зурагт үзүүлэв.

Маш амархан байгаа биз. Танд хэзээ нэгэн цагт энэ техник хэрэг болно гэдэгт итгэлтэй байна. Та туршаад үзээрэй. Танд амжилт хүсье.

Холбоотой нийтлэлүүд

Бусадтай хуваалцах

Зар сурталчилгаа

Posted in: Excel график

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Selection Changer загварчлал

      Өглөөний мээнд залуучууд. Урт удаан хугацааны турш уулзсангүй. Сайт руу гаа нэвтрэх нууц үгээ ч мартсан байна. Энэ өвөл, энэ хавар шинэ шинэ ажлууд нэлээдгүй хийлээ. Гэхдээ Excel-тэй хамааралгүй болохоор та бүхэнд сонин биш байх. Миний хувьд нэг зүйлд анхаарал хандуулахад нөгөө нэг зүйл нь золиослогддог. Хэрхэн яаж зэрэг авч явах талаар сайн мэдэхгүй байгаа. Гэхдээ сэтгэл зүрхэнд минь Excel маань байнга байдаг шүү гэж сүртэй сүртэй 🙂 🙂 🙂 юм яриад нийтлэлийнхээ өмнөтгөл хэсгийг дуусгая.

    • Ханшийн динамикийн график загварчлал

      За бүгдээрээ сайн сууж байцгаануу. Та бүхэндээ энэ өдрийн мэндийг хүргьеэ. Өнөөдөр ч гадаа цас ороод, агаар цэвэршээд сайхан л байх шиг байна да. Зам дээр явж байгаа машинууд маань бэмбэгнээд нэг л хөдөлгөөн муутай харагдаж байна. Аргагүй биз дээ анхны цаснаар манай бүх жолооч нар маань л шоконд орж, маш хянуур явж эхэлдэг. Ер нь тэгээд хянуур явахын ч буруу гэж юу байхав. Халтиргаа гулгааны үе ч эхэлж байна. Машин барьж байгаа хүн болгон л маш хянуур, сонор сэрэмжтэй явахыг та бүхэндээ

    • EXCEL Expert : Нөхцөлт нийлбэр 4 (Asterisk)

      Танд энэ өдрийн мэнд хүргье. Та EXCEL.mn сайтаас боловсруулсан онлайн сургалтын хөтөлбөрүүдийн танилцуулга буланд зочилсон байна. Танд бидний боловсруулсан энэхүү онлайн сургалтын хөтөлбөрүүд таалагдаж, ажил мэргэжил, оюун ухаанд тань том хөрөнгө оруулалт болно гэдэгт итгэлтэй байна. Та бүхэн эдгээр онлайн сургалтанд хамрагдсанаар Excel программ дээр ажиллах ур чадвар тань нэмэгдэж, системчлэгдсэн мэдлэгийг танд өгөх болно. Та бүхэнд амжилт хүсье. EXCEL.mn ОНЛАЙН СУРГАЛТ

  • Like дараад байгаарай найзуудаа

    Excel.mn