Баярлалаа ХҮМҮҮСЭЭ

12 сар 31, 2012   EXCEL.mn   No comments

Манай веб хуудас үйл ажиллагаагаа явуулж эхэлснээс хойш 4 дэхь жилийнхээ нүүрийг үзэж байгаад би туйлын их баяртай байна. Анх 2010 оны 12 дугаар сарын 11-ны өдөр анхныхаа нийтлэлийг оруулж байсныг миний хувьд сайтар санаж байна. Анхны нийтлэл болоод ч тэр үү яг юу бичих ухаанаа олж өгөхгүй нэг хэсэг их сандарч байж билээ. Харин өнөөдөр эргээд харахад бид нийт 159 нийтлэл бичиж, 7 байгууллага, 4 хувь хүмүүст д зөвлөх үйлчилгээ үзүүлж, 2 удаа 20-30 хүнтэй сургалт зохион байгуулсан байна.

Зар сурталчилгаа

Мөн бид MS Excel программтай холбоотой 3 гарын авлага гаргаж, MS Excel программ дээр суурилагдсан 2 нягтлан бодох бүртгэлийн программ боловсруулсан. Тус 2 программын нэг болох бараа материалын бүртгэлийн EXCELIST программыг та бүхэндээ санал болгосон. Харин нягтлан бодох бүртгэлийн EXCELUS 1.0 программыг бүрэн хийж дууссан ба туршилтын шатандаа явагдаж байна. Одоогийн байдлаар бид EXCELUS 1.0 программ дээр 2 жижиг ААН-ын нягтлан бодох бүртгэлийг хөтөлж байна.

Хэдийгээр манай веб хуудас үйл ажиллагаагаа эхлээд багахан хугацаа өнгөрсөн хэдий ч бидний зам тийм ч дардан, шулуун байсангүй. Манай веб хуудас 2011 оны 11 сард вирусын довтолгоонд өртөж, бүх мэдээллээ алдсан. Тухайн үед веб хуудасны Backup-г улиралд нэг удаа хийдэг байсан нь миний хувьд маш том алдаа бөгөөд сургамж болсон. Үүний улмаас манай веб хуудасны үйл ажиллагаа 2011 оны 11 дүгээр сараас 2012 оны 5 дугаар сар хүртлэх хугацаанд саатаж, завсарласан. Мөн 2012 оны 10 дугаар сард манай веб хуудас хакеруудын дайралтанд өртөж блоклуулсан. Аз болоход би өнгөрсөн алдаагаа давтахгүй байх үүднээс 3 хоногт нэг удаа Backup хийдэг байсан нь мэдээлэлээ маш хурдан хугацаанд сэргээж чадсан.

Би энэхүү веб хуудасыг анх нээж байх үедээ энэ веб хуудсанд агуулагдах мэдээлэл үнэхээр хүмүүст хэрэгтэй юу? эсвэл би зүгээр л өөртөө зориулж Excel программын нийтлэл бичих гээд байна уу гэсэн бодол толгойд эргэлддэг байсан. Гэтэл эргэлзээ маань веб хуудас нээгдсэн цагаас хойш ор үндэсгүй арилсан. Надтай адил Excel программ сонирходог маш олон хүн байдаг боловч тэд нарт маань зориулсан Excel программын мэргэжилийн төвшний мэдээлэл дулимаг байгааг би мэдэрсэн.

За ингээд манай веб хуудас болон бидний вэб хуудсанд оруулсан мэдээлэл та бүгдийн маань зэвсэг болж, ажил хөдөлмөртөө өндөр амжилт гаргахыг чин сэтгэлээсээ Excelmetrics.org-н өмнөөс хүсэн ерөөе.

Зар сурталчилгаа

Өнгөрөгч 2012 онд манай веб хуудасыг дэмжиж, бидэнтэй хамтран ажилласан:

  • Грийт нирун коул ХХК
  • ЭСДЭ ХХК
  • Мони-уул ХХК
  • Хөдөлмөр судалгааны институт
  • Нур-софт ХХК болон бусад хувь хүмүүстээ

баярласан талархсанаа илэрхийлж, цаашдын ажил хөдөлмөрт нь өндөр амжилтыг хүсэн ерөөе. Мөн манай веб хуудасны нийтлэлийг уншдаг, Excel программ сонирходог, дэмждэг, санал бодлоо чөлөөтэй илэрхийлж, шүүмжилж чаддаг та бүхэндээ маш их БАЯРЛАЛАА. Бид та бүгдийн санал, хүсэлт, шүүмжлэл дээр тулгуурлаж нийтлэлээ бэлтгэдэг тул цаашид байнга Excel программтай холбоотой өөрийнхөө санал бодол, хүсэлтийг бидэнд ирүүлж байгаарай. ТА БҮХЭНДЭЭ ШИНЭ ОНЫ МЭНДИЙГ ХҮРГЬЕ.

Зар сурталчилгаа

 

Бусадтай хуваалцах

Холбоотой нийтлэлүүд

Posted in: Ном зохиол, нийтлэл

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Excel Chart & My Style

      Excel график. Нэг л төрлийн хэв маяг, нэг л төрлийн хэлбэр дүрс. Заримдаа энэ бүхэн уйтгартай мэт санагддаг. Яагаад өөрийн хүссэн хэв загвараар Excel программ дээр график үүсгэж болохгүй гэж?. Мэдээж боломжтой. Та зурах, дүрслэх багахан авъяас байхад л хангалттай. За даа бараг авъяас ч хэрэггүй дээ. Excel программ дээр ямар нэгэн хэлбэр дүрс гаргачих хэмжээнд байхад л болно. Ингэснээр та өөрийн хэв маягийг ямар ч төрлийн графикт оруулах боломжтой болно. Зиак ингээд хэрхэн яаж гэдгийг одоо та бүхэндээ танилцуулая.

    • Microsoft Excel инженерчлэл номыг файлаар авах боломжтой

      Юуны өмнө та бүхэнд манай сайтаар зочилж, өөрийн санал бодлоо солилцож байдагт гүнээ талархал илэрхийлэе. Excelpedia.org-н зүгээс боловсруулсан "Microsoft Excel инженерчлэл ном"-ыг 2011 онд хэвлэн, Интер Номын их дэлгүүрээр худалдан борлуулж эхэлсэн. Хэдийгээр бид энэхүү номоо цаасан хэлбэрээр худалдаанд гаргаж байгаа ч хөдөө орон нутгаг, хот газраас алслагдмал зайнд амьдарч байгаа манай сайтын зочид маань тус номыг интернэтээр худалдан авах хүсэлтээ ирүүлсээр байна.

    • VLOOKUP Функц

      Зиак өдрийн мэнд залуучууд. Шинэ он гарах гээд та бүгдийн минь ажил их л байгаа байлгүй дээ. Ялангуяа бүртгэл, санхүүгийн ажилтнуудын ажлын ачаалал эрс нэмэгддэг үе шүү дээ. За тэгээд өнөөдөр шинэ жилээ тэмдэглэх гэж байгаа уншигч нар бас байгаа байлгүй дээ. Тэд нартаа шинэ жилээ сайхан, хэзээ ч мартагдашгүйгээр тэмдгэлж өнгөрүүлээрэй гэж хүсье даа. Гэхдээ сайхан гэдэг үгийг архи дарсаар битгий төсөөлөөрэй. Арих дарснаас болж аймар аймар зүйл болж байгааг сонин хэвлэлээс зөндөө л харах юм.

  • Like дараад байгаарай найзуудаа

    Excel.mn

shares